Trump Sensation : యూఎస్ఏలోని కాలేజీలు, యూనివర్సిటీలలో గ్రాడ్యుయేట్ పూర్తి చేసుకున్న విదేశీయులకు ఆటోమెటిక్ గా అమెరికా గ్రీన్ కార్డులు ఇవ్వాలని యూఎస్ మాజీ అధ్యక్షుడు డొనాల్డ్ ట్రంప్ ప్రతిపాదించారు. ఇటీవల ఆయన చేసిన వ్యాఖ్యలు ఆలోచింపేవిగా ఉన్నాయని, ప్రచారంలో రెచ్చగొట్టే వలస వ్యతిరేక వాక్చాతుర్యానికి పూర్తి విరుద్ధంగా ఉన్నాయని అక్కడి మీడియా పేర్కొంది.
‘నేను ఏమి అనుకుంటున్నానంటే.. ఏం చేయాలనుకుంటున్నాను అంటే.. విదేశీయులు అయినా మీరు కళాశాల నుంచి గ్రాడ్యుయేట్ లేదంటే డిప్లొమా పూర్తి చేస్తే ఈ దేశంలో ఉండేందుకు ఆటోమెటిక్ గ్రీన్ కార్డు పొందాలని అనుకుంటున్నాను.’ అని జీఓపీ నామినీ గురువారం (జూన్ 20) ప్రసారమైన ‘ది ఆల్-ఇన్ పాడ్‌కాస్ట్’ లో చెప్పారు.
ట్రంప్ కోసం ఇటీవల ప్రముఖ టెక్ వెంచర్ క్యాపిటలిస్టులు డేవిడ్ సాక్స్, చమత్ పాలిహపిటియాతో శాన్ ఫ్రాన్సిస్కోలో ఫండ్ రైజర్ నిర్వహించారు. పాడ్ కాస్ట్ లో హోస్ట్ లలో ఒకరైన ఇన్వెస్టర్ జాసన్ కలాకానిస్ మాజీ అధ్యక్షుడిని అడిగిన ప్రశ్నకు ట్రంప్ ప్రతిస్పందిస్తూ, ‘ప్రపంచం నలుమూలల నుంచి ఉత్తమమైన వాటిని అమెరికాకు తీసుకువచ్చేందుకు మాకు మరింత సామర్థ్యాన్ని ఇస్తానని మీరు మాకు హామీ ఇవ్వగలరా?’ అని ప్రశ్నించారు.
కమ్యూనిస్టులు, రాడికల్ ఇస్లామిస్టులు, హమాస్ మద్దతుదారులు, అమెరికా ద్వేషులు, బహిరంగ ఆరోపణలను మినహాయించేందుకు గ్రాడ్యుయేట్లను స్క్రీనింగ్ చేస్తామని ట్రంప్ ప్రచార ప్రతినిధి కరోలిన్ లీవిట్ తెలిపారు. స్క్రీనింగ్ జరిగిన తర్వాతే అమెరికాకు గణనీయమైన సేవలందించగల నైపుణ్యం కలిగిన గ్రాడ్యుయేట్లను ఇక్కడే ఉంచాలని ఆయన అభిప్రాయపడ్డారని, లీవిట్ ఒక ప్రకటనలో తెలిపారు.
ట్రంప్ 2024 వైట్ హౌజ్ బిడ్ లో ఇమ్మిగ్రేషన్ ను ప్రధాన అంశంగా చేసుకున్నారు. ‘అమెరికా చరిత్రలో అతిపెద్ద దేశీయ బహిష్కరణ చర్య’ చేపడతామని వాగ్ధానం చేశారు. అమెరికా పౌరసత్వం లేని అమెరికా పౌరుల జీవిత భాగస్వాములు, పిల్లలకు శాశ్వత నివాసం కోసం దరఖాస్తు చేసుకునేందుకు వీలు కల్పిస్తూ కార్యాచరణ చర్యను బైడెన్ ఈ వారం ప్రారంభంలో ప్రకటించిన తర్వాత ఆయన తాజా వ్యాఖ్యలు చేశారు.
అమెరికా టాప్ కాలేజీలకు చెందిన కొందరు విదేశీ గ్రాడ్యుయేట్లు అమెరికాలో కంపెనీలు ప్రారంభించలేరని, వారు భారత్ లేదంటే చైనా వంటి ఇతర దేశాల్లో తమ కంపెనీలను పెడుతున్నారని పాడ్ కాస్ట్ లో ట్రంప్ ఫిర్యాదు చేశారు.
‘’మీ కంపెనీల్లో పనిచేసేందుకు చాలా మంది కావాలి, వాళ్లు తెలివైన వ్యక్తులుగా ఉండాలి. అలాంటి వారు ఉత్తమ కాలేజీల నుంచి వస్తారు. ఇలాంటి వారిని రిక్రూట్ చేసుకుంటే మరింత కలిసి వస్తుంది.’ అని మాజీ అధ్యక్షుడు వ్యాఖ్యానించారు.
2015లో ట్రంప్ అధ్యక్ష పదవికి పోటీ చేసిన సమయంలో అమెరికా కాలేజీల నుంచి గ్రాడ్యుయేషన్ పూర్తి చేసుకున్న కొందరు విదేశీయులకు ఆయన మద్దతిచ్చారు. గొప్ప ప్రతిభావంతులు ఈ దేశానికి, సిలికాన్ వ్యాలీకి కావాలని నేను కోరుకుంటున్నాను’ను అని ఒక మ్యాగజైన్ కు ఇచ్చిన ఇంటర్వ్యూలో ట్రంప్ పేర్కొన్నారు.
