H1B visa renewal : అమెరికాలో రెండు రోజుల క్రితం వరకు భారత ప్రధాని నరేంద్ర మోదీ విస్తృత పర్యటన చేశారు. ఈ సందర్భంగా భారత పౌరులకు అమెరికా ప్రభుత్వం గుడ్ న్యూస్ చెప్పింది. హెచ్1 బీ వీసాలు కలిగిన భారత పౌరుల విషయంలో జో బైడెన్ ప్రభుత్వం కీలక నిర్ణయం తీసుకుంది. ఇకపై హెచ్ 1 బీ వీసాల రెన్యూవల్ ప్రక్రియను మరింత సులభతరం చేయనున్నట్లు అక్కడి ప్రభుత్వం ప్రకటించింది. ఇది అమెరికాలో ఉన్న చాలా మంది భారతీయులకు శుభవార్తే.
హెచ్ 1బీ వీసాలు కలిగిన భారతీయులతో పాటు ఇతర దేశాల వారు రెన్యూవల్ కోసం తమ దేశాలకు వెళ్లాల్సి వచ్చేది. ఈ విషయంలో ఇప్పుడు కీలక ఆదేశాలు ఇచ్చింది. ఇకపై అమెరికాలోనే ఉండి రెన్యువల్ చేసుకునేలా అవకాశం కల్పించనున్నట్లు పేర్కొంది. అయితే ప్రస్తుతం కొద్ది మందికి మాత్రమే ఈ అవకాశం ఉంటుందని సమాచారం. రానున్న రోజుల్లో ఇది మరింత పెంచే అవకాశముందని పేర్కొంది. హెచ్1బీ వీసాలపై అమెరికా వెళ్లేవారిలో భారతీయులే అధికంగా ఉన్నారు.442000 హెచ్1 బీ వీసాల్లో 78 శాతం భారతీయులే ఉన్నారు. వీరందరికీ ఇప్పుడు అమెరికా ప్రభుత్వం నిర్ణయం మేలు చేయనుంది.
ఈ పైలెట్ ప్రోగ్రామ్ కు సంబంధించిన ప్రణాళికను బ్లూమ్ బెర్గ్ ఈ ఏడాది ఫిబ్రవరిలో ప్రకటించారు. ప్రతి ఏడాది అమెరికా ప్రభుత్వం నైపుణ్యం కలిగిన విదేశీ కార్మికుల కోసం 65000 హెచ్ 1బీ వీసాలను విడుదల చేస్తుంటుంది. వీటిలో అదనపు అర్హతలు కలిగిన వారి కోసం మరో 20వేల వీసాలను జారీ చేయనుంది. ఈ వీసాలు మూడేళ్ల వరకు కొనసాగుతాయి. మరో మూడేళ్ల కాలంతో పొడిగిస్తారు. హెచ్1బీ వీసాలతో ఉద్యోగులను భారత్ కు చెందిన ఇన్పోసిస్ అమెజాన్, మెటా కంపెనీలు నియమించుకుంటున్నట్లు అమెరికా ప్రభుత్వం తెలిపింది.
