Tiger in Palnadu : పల్నాడు జిల్లా వెల్దుర్తి మండలంలోని దావుపల్లి అటవీ ప్రాంతంలో పులి కనిపించింది. పులి సంచరించిన దృశ్యాలు సీసీ కెమెరాలకు చిక్కాయి. బొటుకులపాయ బేస్ క్యాంపు వద్ద ఏర్పాటు చేసిన సాసర్ పిట్ లో పులి సంచరించినట్లు సీసీ కెమెరాల్లో రికార్డయ్యాయి.
అటవీ ప్రాంతంలో నీరు అభించక పోవడంతో జంతువులు సాసర్ పిట్ ల వద్దకు వస్తున్నాయని విజయపురి సౌత్ రేంజర్ సత్యనారాయణరెడ్డి తెలిపారు. నాలుగు రోజుల కిందట బొటుకులపాయ బేస్ క్యాంపులో పులి సంచరించిన చిత్రాలు కెమెరాలో రికార్డు అయినట్లు ఆయన వెల్లడించారు. నల్లమల అటవీ ప్రాంతం కావడంతో పులుల సంచారం ఉంటుందని తెలిపారు.
