Time is great : కాలాన్ని మించిన గొప్పోడు లేడు.. ఇది మరోసారి రుజువైంది. కాలం ప్రతీఒక్కరి ఒక అవకాశం ఇస్తుంది. ఆ విషయాన్ని మనం మర్చిపోయినా కాలం మాత్రం తన మెమోరీలో భద్రంగా ఉంచుకుంటుంది. సమయం వచ్చినపుడు వడ్డీతో సహా చెల్లిస్తోంది. ఇదంతా ఇప్పుడు ఎందుకు చెబుతున్నానంటే.. ఒకప్పుడు ఇంగ్లీష్ క్లబ్ కు భారతీయులు వెళ్లినపుడు అక్కడ కుక్కలకు.. భారతీయులకు లోపలి ప్రవేశం లేదంటూ బోర్డు తగిలించారు. అయితే కాలక్రమేణ బ్రిటీష్ పతనం మొదలైంది. ఇక ఇప్పుడు బ్రిటన్ ప్రధానిగా ప్రవాసీ భారతీయుడు రుషి సునాక్ వ్యవహరిస్తున్నాడు.
ఒకప్పుడు బ్రిటీష్ వారు మనల్ని పాలిస్తే ఇప్పుడు వారిని మనం పాలిస్తున్నమాట. అంతేకాకుండా రుషి సునాక్ కు చెందిన పెంపుడు కుక్క సైతం అక్కడ రాజభోగాల్ని అనుభవిస్తోంది. ఎవరైతే నాడు కుక్కలకు.. ఇండియన్స్ ప్రవేశం లేదని బోర్డు తగిలించారో వారి చెంపచెల్లుమానేలా ఏకంగా బ్రిటన్ ప్రధాని కార్యాలయం ఆవరణలో రుషి సునాక్ పెంపుడు కుక్క రాజా హోదాలో తిరుగుతోంది. ఇదంతా చూస్తుంటే కాలం కంటే గొప్పోడు ఎవరు లేరని అనిపించడం ఖాయం.
