Police chase : ముందు దొంగలు వెనుక పోలీసులు ఇదేదో సినిమా అనుకుంటే పొరబాటే మరి. కానీ సినిమాను పోలిన నిజమైన సన్నివేశం మన తెలంగాణ జిల్లాల్లోనే ఈ ఘటన జరిగింది. దొంగలను వెంబడించుకుంటూ వెళ్లిన పోలీసులు జనావాసాల మధ్యనే ఫైర్ ఓపెన్ చేశారు. దీంతో ఏమవుతుందోనంటూ ప్రజలు ఉక్కిరి బిక్కిరి అయ్యారు. ఈ సంఘటనకు సంబంధించి వివరాలను ఇక్కడ తెలుసుకుందాం. సినిమాలో క‌నిపించేలా దొంగలను పోలీసులు వెంబ‌డించారు. వారు త‌ప్పించుకునే క్రమంలో సినిమా రేంజ్ లో ఛేజింగ్ చేస్తూ.. పోలీసులు వారిపై కాల్పులు జరిపారు. ఈ ఘటన తెలంగాణ‌లోని నిజామాబాద్ జిల్లాలోనే చోటుచేసుకుంది.
ఈ ఘ‌ట‌న‌కు సంబంధించిన వివరాలను ఇక్కడ చూద్దాం. దొంగలను పట్టుకునేందుకు నిజామాబాద్ జిల్లా లోని, ఇందల్‌వాయి మండలం, జాతీయ రహదారిపై పోలీసులు కాపు కాశారు. గమనించని దొంగలు సమీపంలోకి వచ్చారు పోలీసులను గమనించి దొంగలు త‌ప్పించుకోవ‌డానికి యత్నించారు. ఛేజింగ్ చేసే క్రమంలో పారిపోతున్న దొంగలపై పోలీసులు ఫైర్ ఓపెన్ చేశారు. కొంత కాలంగా ఈ ప్రాంతంలో దొంగల దాడులు చేస్తూ.. ధన ప్రాణ నష్టం సృష్టిస్తున్నారు. వందలాది మంది ఫిర్యాదులు చేశారు. ఈ ముఠా రాజస్థాన్ కు చెందినదని గుర్తించిన పోలీసులు కాపుకాచి పట్టుకునేందుకు యత్నించారు.
పోలీసులు వారిని ప‌ట్టుకోవ‌డానికి ప‌క్కా స్కేచ్ సిద్దం చేశారు. ఇందులో భాగంగా వారు వచ్చే ప్రాంతాల్లో కాపు కాశారు. ఈ విష‌యం తెలుసుకున్న దొంగలు పోలీసుల కారును ఢీకొట్టి పారిపోయారు. అవాక్కయిన పోలీసులు వారిని ఎలాగైనా అరెస్ట్ చేయాలని తుపాకీతో బెదిరించేందుకు యత్నించారు. అయినా వారు వినకపోవడంతో రెండు రౌండ్లు కాల్పులు కూడా జరిపారు. అయినా వారు పట్టుబడలేదు. దీంతో వారిని పట్టుకునేందుకు పలు బృందాలుగా మారారు. విస్తృతంగా గాలింపు చర్యలు చేపడుతున్నారు. ఎలాగైనా వారిని పట్టుకుంటామని పోలీసులు తెలిపారు.
