Trump : యూరోపియన్ కౌన్సిల్ ఆన్ ఫారిన్ రిలేషన్స్ (ECFR) నిర్వహించిన గ్లోబల్ పోల్ ప్రకారం, అమెరికా అధ్యక్షుడిగా డొనాల్డ్ ట్రంప్ తిరిగి రావడం ప్రపంచ శాంతికి.. అమెరికా-భారత్ సంబంధాలను బలోపేతం చేస్తుందని మెజారిటీ భారతీయులు భావిస్తున్నారు. ఈ పోల్ భారతదేశం, సౌదీ అరేబియా మరియు బ్రెజిల్ వంటి దేశాలలో ట్రంప్ నాయకత్వం గురించి నిర్వహించారు. అనేక యూరోపియన్ దేశాలు ట్రంప్ రాకను ఇష్టపడడం లేదని తేలింది.
జనవరి 20న అమెరికా 47వ అధ్యక్షుడిగా డొనాల్డ్ ట్రంప్ ప్రమాణ స్వీకారోత్సవానికి అంతా రెడీ అయ్యింది. ప్రస్తుత అధ్యక్షుడు జో బిడెన్ బుధవారం తన వీడ్కోలు ప్రసంగాన్ని చేశారు. ECFR యొక్క నివేదికలో EU మరియు US ఎన్నికల తర్వాత గ్లోబల్ పబ్లిక్ ఒపీనియన్” అనే శీర్షికతో, 82% మంది భారతీయులు ట్రంప్ ఎన్నికను ప్రపంచ శాంతికి సానుకూల దశగా భావించారని అభిప్రాయపడ్డారు. భారతదేశానికి ప్రయోజనకరమైనదన్నారు. 85% మంది అమెరికన్ పౌరులకు ఇది మంచిదని నమ్ముతున్నారు.
24 దేశాల్లో నిర్వహించిన ఈ పోల్లో ట్రంప్ తిరిగి రావడంపై వారి అవగాహన ఆధారంగా దేశాలను ఐదు వర్గాలుగా వర్గీకరించారు. మొదటిది ‘ట్రంప్ స్వాగతించేవాళ్ళు’. ట్రంప్ ఎన్నికల విజయం అమెరికన్లకు మరియు ప్రపంచ శాంతికి మంచిదని వారు అభిప్రాయపడ్డారు. ఈ వైఖరి భారతదేశం – సౌదీ అరేబియాలో విస్తృతంగా ఉంది. కానీ రష్యా, దక్షిణాఫ్రికా, చైనా , బ్రెజిల్లలో కూడా ప్రజాదరణ పొందింది. పోల్ ప్రకారం, చాలా మంది ట్రంప్ స్వాగతదారులు కూడా రాబోయే అధ్యక్షుడిని తమ దేశానికి మంచిదిగా చూస్తున్నారు.
భారతదేశం ‘ట్రంప్ ఎన్నికను స్వాగతించేవారి’ పరిధిలోకి వస్తుంది, సౌదీ అరేబియా, రష్యా, దక్షిణాఫ్రికా, చైనా మరియు బ్రెజిల్ కూడా ఇదే భావాలను పంచుకుంటున్నాయి. “భారత్ మరియు చైనా నుండి టర్కీ, బ్రెజిల్ వరకు ట్రంప్ అమెరికాకు, వారి దేశానికి మరియు ప్రపంచంలోని శాంతికి కృషి చేస్తారని ఎక్కువ మంది భావిస్తున్నారు. దీనికి విరుద్ధంగా, యూరోపియన్ దేశాలు ట్రంప్ పట్ల అప్రమత్తంగా ఉన్నాయి. UK యూరోపియన్ దేశాలు ఆందోళనగా ఉన్నాయి. దక్షిణ కొరియా, టర్కీ మరియు బ్రెజిల్ వంటి దేశాలలో కూడా ఉన్న బ్రిటిష్ ప్రతివాదులలో సగం మంది డౌట్ పడుతున్నారు. “ట్రంప్ శ్వేతసౌధానికి తిరిగి రావడంపై యూరప్ దేశాలు ఆందోళనగా ఉన్నాయని అంటున్నారు.
