Actor Sonu Sood : నటుడు సోనూ సూద్‌పై అరెస్ట్ వారెంట్ జారీ అయిందని వస్తున్న వార్తలపై ఆయన ట్విట్టర్ (ప్రస్తుతం ఎక్స్) ద్వారా స్పందించారు. ఈ వార్తలు పూర్తిగా అసత్యమని పేర్కొన్న ఆయన, సోషల్ మీడియాలో ఈ అంశాన్ని కావాలనే సెన్సేషన్ చేస్తున్నారని ఆగ్రహం వ్యక్తం చేశారు.
సోనూ సూద్ తన వివరణలో, తనకు సంబంధం లేని ఒక మూడో వ్యక్తి కేసుకు సంబంధించి కోర్టు తనను సాక్షిగా పిలిచిందని చెప్పారు. ఈ సమన్లకు తమ న్యాయవాదులు ఇప్పటికే స్పందించినట్లు తెలిపారు. “ఈ కేసుతో నాకు ఎలాంటి సంబంధం లేదు. నేను దేనికీ బ్రాండ్ అంబాసిడర్‌ను కాదు. సెలబ్రిటీలు ఇలాంటి అనవసర విషయాలకు లక్ష్యంగా మారడం దురదృష్టకరం. నా పేరును పబ్లిసిటీ కోసం ఉపయోగించడం తగదు. అవసరమైన కఠిన చర్యలు తీసుకుంటాం” అని ఆయన తన ట్వీట్‌లో వెల్లడించారు.
ఇదిలా ఉండగా, మోసం కేసులో వాంగ్మూలం ఇవ్వకుండా హాజరుకాకపోవడంతో పంజాబ్‌లోని లుధియానా కోర్టు సోనూ సూద్‌పై అరెస్ట్ వారెంట్ జారీ చేసిందంటూ వార్తలు వచ్చిన సంగతి తెలిసిందే.
We need to clarify that the news circulating on social media platforms is highly sensationalised. To put matters straight, we were summoned as a witness by the Honourable Court in a matter pertaining to a third party to which we have no association or affiliation. Our lawyers…
— sonu sood (@SonuSood) February 7, 2025
