Adipurush 4th day : ప్రభాస్ వంటి పాన్ ఇండియన్ స్టార్ తాజాగా నటించిన సినిమా ‘ఆదిపురుష్’.. బాలీవుడ్ డైరెక్టర్ ఓం రౌత్ దర్శకత్వంలో దాదాపు 500 కోట్ల బడ్జెట్ తో తెరకెక్కిన ఈ సినిమా జూన్ 16న గ్రాండ్ గా వరల్డ్ వైడ్ గా రిలీజ్ అయ్యింది. రిలీజ్ కు ముందే వరుస ప్రమోషనల్ కంటెంట్ తో భారీ అంచనాలు క్రియేట్ చేసిన ఈ సినిమా ఎట్టకేలకు అన్ని అడ్డంకులను దాటుకుని మొన్న శుక్రవారం ప్రేక్షకుల ముందుకు వచ్చింది.
హిందీ, తెలుగు భాషల్లో ఏకకాలంలో తెరకెక్కిన ఈ సినిమాలో రాముడిగా ప్రభాస్ నటిస్తే కృతి సనన్ సీత పాత్రలో నటించింది. అలాగే బాలీవుడ్ స్టార్ హీరో సైఫ్ అలీ ఖాన్ రావణాసురిడిగా నటించగా రిలీజ్ అయిన అన్ని చోట్ల మిక్స్డ్ టాక్ తెచ్చుకుంది. దీంతో ప్రభాస్ ఫ్యాన్స్ మరోసారి నిరాశ చెందారు. అయితే టాక్ తో సంబంధం లేకుండా మొదటి మూడు రోజులు మాసివ్ కలెక్షన్స్ రాబట్టింది.
ఈ సినిమా 240 కోట్ల మేర ప్రీ రిలీజ్ బిజినెస్ చేయగా తెలుగులోనే ఏకంగా 120 కోట్ల బిజినెస్ చేసుకుంది. ఇక ఈ సినిమా ఏకంగా 7 వేల థియేటర్స్ లో రిలీజ్ కావడంతో ఫస్ట్ డే భారీ ఓపెనింగ్స్ రాబట్టి ఆ తర్వాత వీకెండ్ లో కూడా విజృంభించింది. మొదటి రోజు వరల్డ్ వైడ్ గా ఏకంగా 140 కోట్ల గ్రాస్ కలెక్షన్స్ రాబట్టింది..
ఇక రెండవ రోజు మూడవ రోజు కలిపి మొత్తంగా 340 కోట్లు రాబట్టినట్టు మేకర్స్ అఫిషియల్ గా అనౌన్స్ చేసారు. అయితే 4వ రోజు కలెక్షన్స్ వివరాలు ఇప్పుడు బయటకు వచ్చాయి. మొదటి మూడు రోజులు బాక్సాఫీస్ దగ్గర కుమ్మేసిన ప్రభాస్ నాల్గవ రోజు మాత్రం ఆదిపురుష్ కలెక్షన్స్ దారుణంగా పడిపోయాయి. దీంతో సోమవారం టెస్ట్ ఫెయిల్ అయినట్టే అని చెప్పాలి. 4వ రోజు కేవలం 11.85 కోట్ల షేర్, 42.10 కోట్ల గ్రాస్ మాత్రమే రాబట్టినట్టు తెలుస్తుంది.
4 రోజుల్లో ఈ సినిమా తెలుగు రాష్ట్రాల్లో కేవలం 110.40 కోట్ల గ్రాస్ 69.76 కోట్ల వసూళ్లు రాబట్టినట్టు తెలుస్తుంది. ఇక వరల్డ్ వైడ్ గా 163.45 కోట్ల షేర్ రాబట్టినట్టు తెలుస్తుంది. దీన్ని బట్టి ఇంకా 78.55 కోట్ల షేర్ వస్తేనే హిట్ అని చెప్పాలి.. లేకపోతే ఇది కూడా ప్లాప్ అయినట్టే.. చూడాలి మిగిలిన రోజుల్లో ఆదిపురుష్ పరిస్థితి మరింత దారుణంగా మారుతుందో లేదంటే పుంజుకుంటుందో..
