Romance : రొమాన్స్ కు వయసుతో సంబంధం లేదు. ఎంత లేటు వయసులో అయినా రొమాన్స్ లో మునిగిపోయే వారు ఉన్నారు. ఈ నేపథ్యంలో సినిమాల్లో రొమాన్స్ గురించి చాలా విమర్శలు వచ్చినా వారు మాత్రం మారడం లేదు. తండ్రి వయసులో హీరో, కూతురు వయసులో హీరోయిన్ ఉన్నా వారితో రొమాన్స్ చేయించడం విమర్శలకు తావిస్తోంది. ఈ నేపథ్యంలో బాలీవుడ్ నటి కంగనా రనౌత్ ఓ సినిమా నిర్మిస్తోంది. ఆ సినిమాలో హీరోహీరోయిన్ల మధ్య ఏజ్ గ్యాప్ స్పష్టంగా కనిపిస్తోంది.
టీకు వెడ్స్ షెరు సినిమాకు కంగనా రనౌత్ నిర్మాతగా వ్యవహరిస్తోంది. ఈ సినిమాలో నవాజుద్దీన్ సిద్ధిఖీ, అవనీత్ కౌర్ జంటగా నటిస్తున్నారు. ఈ సినిమాలో హీరో హీరోయిన్ల మధ్య లిప్ లాక్ సన్నివేశాలు ఉన్నాయి. దీనిపై నెటిజన్లు విమర్శలు చేస్తున్నారు. యాభై ఏళ్లు దాటిన హీరో పాతికేళ్ల హీరోయిన్ తో రొమాన్స్ చేయడమేమిటని ప్రశ్నిస్తున్నారు.
రొమాన్స్ అంటే తెలియని వారు చేసే పని కానీ దానికి వయసుతో సంబంధం ఏమిటని సిద్ధిఖీ కౌంటర్ ఇస్తున్నారు. ఇప్పటికి కూడా షారూఖ్ ఖాన్ ఇలాంటి సన్నివేశాలు చేయడం లేదా అని ప్రశ్నిస్తున్నారు. రొమాన్స్ కు వయసుతో సంబంధం ఉండకూడదంటున్నారు. ఈ నేపథ్యంలో కంగనా రనౌత్ సినిమా విడుదలకు ముందే వివాదాల్లో చిక్కుకుంటోంది.
ఈ సినిమాలో నవాజుద్దీన్ సిద్ధిఖీ జూనియర్ ఆర్టిస్టుగా నటించగా అవనీత్ కౌర్ నటి కావాలనే అమ్మాయి పాత్రలో నటించింది. మణికర్ణిక ఫిలింస్ బ్యానర్ లో కంగనా రనౌత్ నిర్మిస్తున్న ఈ సినిమా జూన్ 23న అమెజాన్ ప్రైమ్ లో విడుదల కానుంది. సినిమా ట్రైలర్ తోనే సినిమాపై బజ్ క్రియేట్ అనగా సినిమా ఆశించిన స్థాయిలో ఫలితం రాబడుతుందో లేదో చూడాల్సిందే.
