AI cameras : ఆర్టిఫియల్ ఇంటెలిజన్స్(ఏఐ) అందుబాటులోకి వచ్చాక మనిషి పని చాలా తేలికగా మారింది. అయితే ఏఐ వల్ల కొన్నిసార్లు పొరపాట్లు జరుగుతున్నాయి. వీటిని సకాలంలో గుర్తించకుంటే మాత్రం ఇతరులు ఇబ్బందులు పడక తప్పదని మరోసారి రుజవైంది. ట్రాఫిక్ కంట్రోల్ విషయంలో చాలా నగరాల్లో ఏఐ కెమెరాలను పోలీసులు వాడుతున్న సంగతి తెల్సిందే.
అయితే ఓ ఏఐ కెమెరా బైక్ వేగాన్ని 1240 km/hతో నమోదు చేసింది. ఈ వీడియోను జైహింద్‌ టీవీ తన యూట్యూబ్‌లో షేర్‌ చేసింది. ఆ ఏఐ కెమెరా బైక్ ఫోటోను కంట్రోల్ రూంకు పంపి.. ఓవర్‌ స్పీడ్‌ను గుర్తిస్తూ చలాన్‌ జారీ చేసింది. అయితే ఆ తర్వాత విచారణలో మాత్రం వాహనదారుడు ఎలాంటి ట్రాఫిక్ నియమాల ఉల్లంఘనలకు పాల్పడలేదని తేలడం గమనార్హం.
అంతేకాకుండా ఏఐ కెమెరాలు నంబర్‌ ప్లేట్ల పైనున్న స్క్రూలు.. బోల్టులను సున్నాలుగా గుర్తిస్తూ చలాన్లు విధిస్తున్నట్లు తేలింది. తొలుత ఏఐ కెమెరాల వ్యవస్థ ఆటోమేటిక్ గా పని చేస్తుందని ట్రాఫిక్ పోలీసులు పేర్కొన్నారు. అయితే ఏఐ కెమారాలు అమల్లోకి వచ్చాక అనేక తప్పులు జరుగుతున్నట్లు వెల్లడికావడంతో వీటి పనితీరుపై అనేక ప్రశ్నలు తలెత్తుతున్నాయి.
