Nagarjuna : గతంలో N కన్వెన్షన్ కూల్చివేత, మంత్రి కొండా సురేఖ అక్కినేని కుటుంబంపై చేసిన వ్యాఖ్యల వంటి సంఘటనల నేపథ్యంలో అక్కినేని నాగార్జున, తెలంగాణ సీఎం రేవంత్ రెడ్డి మధ్య విభేదాలు తలెత్తాయి. నాగార్జున కొండా సురేఖపై పరువు నష్టం దావా కూడా వేశారు.
అయితే, ఇటీవల సినీ ప్రముఖులతో కలిసి సీఎంను కలిసినప్పుడు నాగార్జున ఆయన్ను సన్మానించారు. తాజాగా హైదరాబాద్‌లో జరిగిన ‘మిస్ వరల్డ్ 2025 – తెలంగాణ సెలబ్రేటింగ్ బ్యూటీ అండ్ కల్చర్’ కార్యక్రమంలో నాగార్జున, ఆయన భార్య అమల, సీఎం రేవంత్ రెడ్డి పక్క పక్కనే కూర్చొని సన్నిహితంగా ముచ్చట్లు ఆడుకోవడం చర్చనీయాంశమైంది.
గతంలో తీవ్ర వివాదాలు ఉన్నప్పటికీ, వారు బహిరంగంగా స్నేహపూర్వకంగా మెలగడం చూస్తుంటే, రాజకీయ నాయకులు, సినీ ప్రముఖుల మధ్య శాశ్వత వైరం ఉండదని, వారి కోసం అభిమానులు ఎక్కువగా స్పందించడం అనవసరమని వార్త సూచిస్తుంది.
