Google Pay : దేశంలో అతిపెద్ద బ్యాంక్ అయిన హెచ్ డీఎఫ్ సీ బ్యాంక్ కస్టమర్లకు కీలక సూచన జారీ చేసింది. ఈ ప్రైవేట్ రంగ బ్యాంక్ కస్టమర్లు కొన్ని గంటలపాటు UPI చెల్లింపులు చేయడంలో సమస్యలను ఎదుర్కొనున్నారు. హెచ్ డీఎఫ్ సీ బ్యాంక్ కస్టమర్లు ఆ కాలంలో అనేక థర్డ్ పార్టీ యూపీఐ యాప్ల ద్వారా చెల్లింపులు చేయలేరు. సిస్టమ్ మెయింటనెన్స్ కారణంగా యూపీఐ సేవలు ఆగస్టు 10, 2024 రోజున అందుబాటులో ఉండవని తెలిపింది. ఆగస్టు 10న దాదాపు మూడు గంటల పాటు యూపీఐ పేమెంట్లు చేయలేరని బ్యాంక్ తెలిపింది. దీని కారణంగా, హెచ్ డీఎఫ్ సీ బ్యాంక్ కస్టమర్లు GPay (Google Pay), WhatsApp Pay, Paytm వంటి థర్డ్ పార్టీ యాప్లతో సహా దాని అధికారిక బ్యాంకింగ్ యాప్ ద్వారా UPI ద్వారా లావాదేవీలు చేయలేరు.
భారతదేశపు అతిపెద్ద బ్యాంక్ యూపీఐ సేవలకు ఆగస్టు 10 రాత్రి 2:30 నుంచి ఉదయం 5:30 వరకు అంతరాయం కలుగనున్నాయి. సర్వీస్ మెయింటెన్స్ కోసం బ్యాంక్ రాత్రి సమయాన్ని ఎంచుకుంది. దాని వినియోగదారులు సమస్యలను ఎదుర్కోవలసి ఉంటుంది. సాధారణంగా బ్యాంకులు రాత్రిపూట మాత్రమే మెయింటెన్స్ పనులు చేస్తుంటాయి. ఈ నిర్వహణ తర్వాత హెచ్డిఎఫ్సి బ్యాంక్ కస్టమర్లకు యుపిఐ సేవలు మెరుగుపడనున్నాయి. హెచ్డిఎఫ్సి బ్యాంక్ యుపిఐ డౌన్టైమ్ తన సేవలను మెరుగుపరచడంలో సహాయపడుతుందని పేర్కొంది. యూపీఐ డౌన్టైమ్ గురించి ప్రైవేట్ బ్యాంక్ తన కస్టమర్లందరికీ మెయిల్ పంపడం ద్వారా తెలియజేసింది.
హెచ్డిఎఫ్సి బ్యాంక్ కరెంట్, సేవింగ్స్ ఖాతాదారులకు 3 గంటల షెడ్యూల్ మెయింటెనెన్స్ సమయంలో ఆర్థిక, ఆర్థికేతర లావాదేవీలు అందుబాటులో ఉండవు. ఇది కాకుండా, HDFC బ్యాంక్ మొబైల్ బ్యాంకింగ్ యాప్, GPay, WhatsApp Pay, Paytm, Shriram Finance, MobiKwik ఖాతాల ద్వారా HDFC బ్యాంక్ ఖాతాకు లింక్ చేయబడిన ఆర్థిక లేదా ఆర్థికేతర లావాదేవీలు సాధ్యం కాదు.
