- రానున్న అసెంబ్లీ ఎన్నికలకు ఉమ్మడిగా సిద్ధం
Rajasthan Congress : రాజస్థాన్ రాజకీయాల్లో ముఖ్యమంత్రి అశోక్ గెహ్లాట్, సచిన్ పైలట్ మధ్య సాగుతున్న పరోక్ష పోరు ఇప్పటి వరకేతై తెరపడినట్లే. దాదాపు నాలుగున్నర గంటలపాటు జరిగిన సమావేశంలో ముఖ్యమంత్రి అశోక్ గెహ్లాట్, సచిన్ పైలట్ మధ్య సయోధ్య కుదిరింది.
రాజస్థాన్ ముఖ్యమంత్రి అశోక్ గెహ్లాట్, సచిన్ పైలట్ మధ్య కొనసాగుతున్న అంతర్గత కలహాలు సోమవారంతో ముగిశాయి. దాదాపు నాలుగున్నర గంటల పాటు జరిగిన సమావేశంలో ముఖ్యమంత్రి అశోక్ గెహ్లాట్, సచిన్ పైలట్ మధ్య సయోధ్య కుదిరింది. ఇద్దరూ తమ రాజకీయ భవిష్యత్తు నిర్ణయాన్ని కాంగ్రెస్ హైకమాండ్కే వదిలేశారు. ఈ సందర్భంగా కాంగ్రెస్ ప్రధాన కార్యదర్శి కేసీ వేణుగోపాల్ ఓ ప్రకటన విడుదల చేశారు. తమ నేతలిద్దరూ ఒక్కటయ్యారని, ఎలాంటి విభేదాలు లేవని, రానున్న అసెంబ్లీ ఎన్నికల్లో పూర్తి స్థాయిలో పోరాడి గెలుస్తామని వెల్లడించారు.
రాజస్థాన్ అసెంబ్లీ ఎన్నికలు 2023కి ముందు పార్టీని ఏకం చేసేందుకు ఖర్గే నివాసంలో సాయంత్రం 6 గంటలకు సమావేశం ప్రారంభమైంది. ఇందులో కాంగ్రెస్ అధ్యక్షుడు ఖర్గేతో పాటు రాజస్థాన్ ముఖ్యమంత్రి అశోక్ గెహ్లాట్, కాంగ్రెస్ సంస్థ ప్రధాన కార్యదర్శి కేసీ వేణుగోపాల్ పాల్గొన్నారు. ఖర్గే మొదట గెహ్లాట్తో మాత్రమే మాట్లాడారని, అందులో పైలట్ లేవనెత్తిన సమస్యలపై ఆరా తీశారని సమాచారం.
దాదాపు 15 నిమిషాల తర్వాత కాంగ్రెస్ నేత రాహుల్ గాంధీ, 45 నిమిషాల తర్వాత రాజస్థాన్ ఇన్ఛార్జి సుఖ్జీందర్ సింగ్ రంధావా కూడా సమావేశానికి చేరుకున్నారు. పైలట్తో కలిసే ఎన్నికలకు వెళ్లాలని ఓ నిర్ణయానికి వచ్చారు. గెహ్లాట్ లేవనెత్తిన అంశాలన్నింటిపై సీనియర్ నేతలు చర్చించుకున్నారు. అనంతరం ఖర్గే సచిన్ పైలట్ను కూడా కలిశారు. దీని తర్వాత, రాజస్థాన్ కాంగ్రెస్ లో కొనసాగుతున్న అంతర్యుద్ధానికి కాంగ్రెస్ నేతలందరూ ముగింపు పలికారు.
తమకు నచ్చిన పదవిని ఎవరూ అడగలేరు : గెహ్లాట్
సమావేశానికి ముందు, రాజస్థాన్ ముఖ్యమంత్రి అశోక్ గెహ్లాట్ ఢిల్లీ చేరుకున్న వెంటనే విమానాశ్రయంలో తన వైఖరిని వ్యక్తం చేశారు. నేటికీ కాంగ్రెస్ హైకమాండ్ బలంగా ఉందని, ఏ నాయకుడూ తనకు నచ్చిన పదవిని తీసుకుంటానని, తనను ఒప్పించేందుకే పార్టీ ఆ పదవిని ఇస్తుందని చెప్పే సాహసం చేయలేదని స్పష్టం చేశారు. కాంగ్రెస్లో ఈ సంస్కృతి లేదు. భవిష్యత్ లోనూ ఉండబోదని చెప్పారు.
అగ్రిమెంట్ ఫార్ములాపై ఇంకా అనుమానం..
ఢిల్లీలో అశోక్ గెహ్లాట్, సచిన్ పైలట్ల మద్య సయోధ్య కుదిరిందని చెబుతున్నా అందుకు ఆధారాలు మాత్రం కనిపించడం లేదు. మీడియా ప్రశ్నల నుంచి తప్పించుకోవడతో అనుమానాలు వెల్లువెతు్తున్నాయి. అశోక్ గెహ్లాట్, సచిన్ పైలట్లతో పార్టీ రానున్న ఎన్నికల్లో ఎలా పోటీ చేస్తుందో స్పష్టం చేయలేదు. సయోధ్య కోసం ఏ అంశాలపై చర్చించారు.? దీనిపై ఇంకా స్పష్టత రాలేదు. మొత్తానికి సయోధ్య ఫార్ములాపై సస్పెన్స్ కొనసాగుతోంది.
పైలట్ ఒక్క డిమాండ్ కూడా నెరవేరలేదు..
సచిన్ పైలట్ మే 15న గెహ్లాట్ ప్రభుత్వం ముందు మూడు డిమాండ్లను ఉంచారు. మొదటిది, మాజీ ముఖ్యమంత్రి వసుంధర రాజే హయాంలో జరిగిన కుంభకోణాలపై విచారణ జరిపించాలి, రెండోది పేపర్ లీక్ కేసులో నిరుద్యోగులకు నష్టపరిహారం ఇవ్వాలి, మూడోది ఆర్పీఎస్సీని రద్దు చేయాలి. పైలట్ 15 రోజుల అల్టిమేటం ఇచ్చాడు. ఈ అల్టిమేటం మే 30 మంగళవారంతో ముగుస్తుంది, అయితే పైలట్ ఒక్క డిమాండ్ కూడా ఇంకా నెరవేరలేదు. అటువంటి పరిస్థితిలో, సచిన్ పైలట్ ఏ షరతులపై అంగీకరించారు? ఈ విషయాన్ని కాంగ్రెస్ హైకమాండ్ ఇప్పట్లో వెల్లడించేలా లేదు.. మున్మందు వీరిద్దరి మధ్య సయోధ్య ఎంతకాలం ఉంటుందో చూడాలి.
