Kalki 2898 AD : ప్రభాస్ అభిమానులు ఎంతగానో ఎదురుచూస్తున్న చిత్రాల్లో కల్కి ఒకటి. సినిమా అనౌన్స్ చేసినప్పటి నుంచి రోజురోజుకు అంచనాలు పెరిగిపోతున్నాయి. ఈ సినిమా నుంచి రోజుకో అప్డేట్ వస్తున్నది. అయితే ఇందులో ఏది నిజం ఏది అబద్ధం అన్నది కొన్ని విషయాల్లో మాత్రం స్పష్టత రావడం లేదు. పురాణాల స్ఫూర్తితో సైన్స్‌ ఫిక్షన్‌ థ్రిల్లర్‌ జోనర్ లో దర్శకుడు నాగ్ అశ్విన్ కథను తీర్చిదిద్దారు. అశ్వత్థామ పాత్రలో అమితాబ్ లుక్ బయటకి వచ్చినప్పటి నుంచి అంచనాలు మరింత పెరిగిపోయాయి. ఈ సినిమాలో టాలీవుడ్ సూపర్ స్టార్ మహేష్ బాబు వాయిస్ ఓవర్ ఇచ్చారని రూమర్లు వచ్చాయి. కానీ దీనిపై ఇప్పటిదాకా దర్శకుడు నాగ్ అశ్విన్ కానీ, నిర్మాతలు కానీ పెద్దవి విప్పడం లేదు. అయితే ఈ సినిమాలో టాలీవుడ్ రౌడీ స్టార్ విజయ్ దేవరకొండ కూడా ఓ కీలక పాత్రలో నటిస్తున్నారని రూమర్ల వస్తున్నాయి. విజయ్ పాత్ర మహాభారంలోని అర్జునుడి పాత్రని పోలి ఉంటుందని టాక్.
ఇందులో విజయ్ దేవరకొండది అతిథి పాత్ర అనే ప్రచారం సాగింది. అది గెస్ట్ రోల్ కాదని, పూర్తి నిడివి వున్న పాత్రలోనే విజయ్ కనిపిస్తారని సమాచారం. కథలో ఆ పాత్ర కీలకంగా ఉంటుందని సమాచారం. ఇందులో దుల్కర్ సల్మాన్ కనిపించే పాత్ర కూడా పురాణాల నేపథ్యంలో తీర్చిదిద్దినట్లు తెలుస్తోంది.
రూమర్లు వచ్చిన వారంతా వారికి సన్నిహితులే..
ఇక ముందుగా చెప్పుకోవాల్సింది సూపర్ స్టార్ మహేష్ బాబు గురించి. మహేష్ బాబును హీరోగా లాంచ్ చేసింది వైజయంతి మూవీస్. ఆ స్నేహంతో మహేష్ బాబు వాయిస్ ఓవర్ ఇచ్చేందుకు సిద్ధమయ్యారని టాక్. ఇక నాగ్ అశ్విన్ దర్శకత్వంలో వైజయంతి మూవీస్ నిర్మాణంలో వచ్చిన ఎవడే సుబ్రహ్మణ్యంలో విజయ్ ఓ కీలక పాత్ర చేశాడు. దుల్కర్ సల్మాన్ సైతం మహానటిలో చేశారు. ఆ సాన్నిహిత్యంతోనే ఈ భారీ ప్రాజెక్టులో వారు భాగమవుతున్నారని సమాచారం. ఇక జూన్ 27న కల్కి మూవీ సినిమా ప్రేక్షకులు ముందుకు రానుంది. ఈ రోజు ట్రైలర్ రిలీజ్ చేయనున్నారు. ఇందులో కథ, కథనాలపై మరింత స్పష్టత వచ్చే అవకాశం ఉంది.
