Miss Shetty Mr. Polishetty :ఈ సినిమాకు మహేశ్ బాబు పి దర్శకత్వం వహిస్తున్నాడు. షూటింగ్ కూడా పూర్తయింది. ఇక విడుదల చేయడమే మిగిలి ఉంది. కానీ వేసవిలో విడుదల చేయాల్సిన సినిమా అనివార్య కారణాల వల్ల వాయిదా పడుతోంది. టీజర్ కూడా విడుదలైంది. ఆగస్టు 4న సినిమా విడుదలకు ముహూర్తం నిర్ణయించారు. ఈ సినిమాతో మళ్లీ టాలీవుడ్ లో తన ఉనికి చాటుకోనుంది.
జులై 28న పవన్ కల్యాణ్, సాయిధరమ్ తేజ్ ల బ్రో, ఆగస్టు 8న చిరంజీవి నటించిన భోళాశంకర్ విడుదల కావడంతో వీటి స్పీడ్ ను అనుష్క సినిమా తట్టుకుంటుందా అనే సందేహాలు వస్తున్నాయి. దీంతో మళ్లీ అనుష్క సినిమా విడుదల సందిగ్ధమే. ఎందుకంటే అగ్రహీరోల సినిమాల మధ్య అనుష్క సినిమా నిలవడం కష్టమే. అందుకే అనుష్క సినిమా మరోమారు వాయిదా పడుతుందనే వాదనలు కూడా వస్తున్నాయి.
ఈ నేపథ్యంలో అనుష్క సినిమా పరిస్థితి ఏంటి అనే సందేహాలు రావడం కామనే. అగ్రహీరోలైన చిరంజీవి, పవన్ కల్యాణ్ ల సినిమాలు వరుసగా రావడంతో ఇక ఇతర సినిమాల ప్రస్థానం హుళక్కే. దీంతో వారి సినిమాలు కాస్త వెనకకు జరుపుకోవడమే సమంజసం. ఈ క్రమంలో చిత్రం యూనిట్ ఏ నిర్ణయం తీసుకుంటుందో వేచి చూడాల్సిందే.
