AP BJP : భారతీయ జనతా పార్టీ ఆంధ్రప్రదేశ్ అధ్యక్షుడిగా సోము వీర్రాజు మార్పు ఖాయంగా కనిపిస్తోంది. ఆయనకు బదులుగా మరొక పేరు వినిపిస్తున్నది. ప్రస్తుతం బీజేపీ జాతీయ కార్యదర్శి సత్యకుమార్ ను నియమించాలని అధిష్టానం భావిస్తున్నట్లుగా సమాచారం. కేంద్ర మంత్రి వర్గం పునర్ వ్యవస్థీకరణ జరిగిన వెంటనే… ఈ మేరకు ప్రకటన వెలువడుతుందని సమాచారం. ప్రస్తుతం జాతీయ కార్యదర్శిగా ఉన్న సత్యకుమార్ కు అధిష్టానం వద్ద మంచి పేరు ఉంది. ఆయన కూడా ఏపీ బీజేపీ చీఫ్ కావాలని కొన్ని రోజులుగా ప్రయత్నం చేస్తున్నారు.ఆయనకు ఏపీ బీజేపీలోని ఓ వర్గం మద్దతు బలంగా ఉంది. అయితే సోము వీర్రాజు కు మరో వర్గం అండగా ఉంది ముఖ్యంగా సునీల్ ధియోధర్ ఆయనకు సపోర్ట్ గా ఉన్నారు.. అయితే ఏపీ అసలు ఇంచార్జీ మురళీధర్ రావు రాష్ట్రం గురించి పట్టించుకునేది తక్కువే. అందుకే సునీల్ హవా నడిపిస్తూ ఉంటారు. ఆయన సోము వీర్రాజు వైపే నిలుస్తున్నారు. ఆయన నేతృత్వంలోనే ఎన్నికలకు వెళ్తామని కూడా ఇటీవల సదరు నేత ప్రకటన విడుదల చేశారు.
కానీ జీవీఎల్, ధియోధర్, సోము వీర్రాజు ఓ గ్రూప్ అని పేరుంది. వీరంతా వైసీపీ కోసం పని చేస్తూంటారని టాక్. ఇటీవ కాలంలో సత్యకుమార్ రూపంలో నాయకుడు వచ్చారు. జాతీయ స్థాయిలో ఇతర రాష్ట్రాల్లో బిజీగా ఉండే సత్యకుమార్ .. ఏపీపై ఆసక్తి చూపిస్తున్నారు. ఆయన ఎక్కువగా రాష్ట్రంలో పరిస్థితులను తెలుసుకుంటున్నారు. అయితే అన్ని వివరాలను అధిష్టానం తెప్పించుకుంటున్నది. ఇప్పటికే బీజేపీ అగ్ర నేతలు వైసీపీ ప్రభుత్వం పై తీవ్రస్థాయిలో ఆరోపణలు చేశారు మరోవైపు టీడీపీ, జనసేన, బీజేపీ పొత్తు ఉంటుందనే ప్రచారం నేపథ్యంలో అధిష్టానం బలమైన నేతను రాష్ట్రంలో తెరపైకి తేవాలని భావిస్తున్నది. దీంతో నైనా ఏపీలో బీజేపీ బలం పుంజుకుంటుందో లేదో వేచి చూడాలి.
 |
ReplyForward
|
