Jabardasth Avinash :ఆయన గతంలో జబర్దస్త్ తో కెరీర్ స్టార్ట్ చేశాడు. ఆ తర్వాత కొన్నాళ్ల తర్వాత ఆయన స్టార్ మాలోకి వెళ్లిపోయాడు. అక్కడే చాలా ప్రోగ్రామ్స్ చేశాడు. మొన్నటి వరకు అనేక ప్రోగ్రామ్స్, రియాల్టీ షోలతో అలరించాడు ఈయన. ఇప్పుడు ఆయన ప్రస్తుతం రెస్ట్ తీసుకుంటున్నాడు. ఇంటి వద్దనే ఉంటున్నాడు.
ఈ క్రమంలోనే ఆయన తాజాగా గుడ్ న్యూస్ చెప్పాడు. తన భార్య ప్రస్తుతం ప్రెగ్నెంట్ అంటూ ప్రకటించాడు. తనకు ఇప్పుడు మూడో నెల అని తన యూట్యూబ్ ఛానెల్ ద్వారా ప్రకటించాడు. పిల్లల కోసం తమ తల్లి దండ్రులు ఎప్పటి నుంచో అడుగుతున్నారని.. కానీ ఇన్నాళ్లకు అది నెరవేరిందని తెలిపాడు.
మా పెళ్లి అయి ఏడాదిన్నర అవుతోంది. ఇంత త్వరగా తల్లిదండ్రులం అవుతామని మేం అస్సలు ఊహించలేదు. మా ఇంట్లోకి త్వరలోనే పాపాయి లేదా బాబు రాబోతున్నాడు. మూడు నెలలు వచ్చే వరకు ఎవరికీ చెప్పొద్దని డాక్టర్లు సూచించారు. అందుకే మేం ఇన్ని రోజులు ఆగాం. ప్రస్తుతం అనూజకు నాలుగో నెల. ఇప్పుడు ఆమెకు పూర్తిగా రెస్ట్ కావాలని డాక్టర్లు చెప్పారు. అందుకే మేం చాలా జాగ్రత్తగా ఉంటున్నాం. త్వరలోనే మళ్లీ షూటింగులతో బిజీగా అయిపోతాను అంటూ తెలిపాడు అవినాష్.
