Ireland : జంతువులు కొండలు ఎక్కి మేయటం సహజమే. అయితే, ఓ మేకపిల్ల ఎలా ఎక్కిందో కాని 100 అడుగుల ఎత్తున్న కొండను ఎక్కింది. ఎక్కడం అయితే ఎక్కింది కానీ దిగడం ఎలాగో తెలీక మూడు రోజులు ఆ కొండపైనే విలవిలలాడింది. చివరకు రెస్క్యూటీం జోక్యంతో మేకపిల్ల సురక్షితంగా కొండ కిందకు చేరింది. 100 అడుగుల ఎత్తున్న కొండను మేకపిల్ల ఎలా ఎక్కగలిగిందని రెస్క్యూటీం ఆశ్చర్యపోయింది. కొండ దిగే ప్రయత్నంలో మేకపిల్ల కాలికి గాయం కూడా అయింది.
ఐర్లాండ్ లో జరిగిన ఈ సంఘటన సోషల్ మీడియాలో వైరల్ అయింది. ఐర్లాండ్ లోని గ్రీన్ క్యాజిల్ లో ఈ
ఘటన చోటు చేసుకుంది. గాయపడ్డ మేకపిల్లను దగ్గరలోని వెటర్నరీ హాస్పిటల్ కి తీసుకెళ్లి చికిత్స అందించారు. ప్రస్తుతం సదరు మేకపిల్ల ఐరిష్ సొసైటీ ఫర్ ప్రివెన్షన్ ఆఫ్ క్రూయల్టీ టు అనిమల్స్ అనే స్వచ్ఛంద సంస్థ రక్షణలో ఉంది.
