ఆమె అనేక టీవీ సీరియల్స్ లో నటించింది. గృహ ప్రవేశం, మనసు మమత, గుప్పెడంత మనసు, నిన్నే పెళ్లాడతా, నాలుగు స్తంభాలాట, రాధమ్మ కూతురు లాంటి సీరియల్స్ లో నటించింది. ప్రేమ విమానం, ట్రెండింగ్ లవ్ స్టోరీ అనే మూవీలో కూడా నటించి మెప్పించింది. తాను ఎక్కడ ట్రైనింగ్ తీసుకోలేదని చెప్పే ఝాన్సీ నటనలో అదరగొట్టేది. సొంతంగానే ప్రాక్టీస్ చేసి ఈ రోజు వరకు అవకాశాలు దక్కించుకున్నానని చెప్పింది.
అయితే తాను ఉండే పట్టణంలో వెంకటేశ్వర థియేటర్, రామ కృష్ణ థియేటర్ ఉండేదని ఆ రోజుల్లో సినిమాల్లో వచ్చే ఎక్కువ సౌండ్ విని ఎంతో ఆనందించేవాడినని చెప్పింది. అయితే టిక్ టాక్, డబ్ స్మాష్ లాంటి యాప్స్ లలో నటించినపుడు తన యాక్టింగ్ చూసి చాలా మంది మెచ్చుకున్నారని ఆ విధంగానే సీరియల్స్ లో నటించే అవకాశం వచ్చిందని పేర్కొంది.
తనకు కొడుకు పుట్టిన తర్వాత ప్రాక్టీస్ పెంచడం వల్ల యాక్టింగ్ లో మెరుగుపడ్డానని చెప్పింది. కుటుంబ సభ్యులు, స్నేహితులు, చాలా ఎంకరేజ్ చేశారని అలా పరిచయాల వల్ల సీరియల్స్ లో నటించే అవకాశం రావడం జరిగిందని చెప్పింది. దీంతో వాటిలో యాక్ట్ చేసే చాన్స్ వచ్చిందని తెలిపింది. అయితే ఇక్కడ టిఫిన్ సెంటర్ ద్వారా ఆదాయం వస్తుందని, సీరియల్స్ ఎప్పటికీ ఉండేవి కావు. అవకాశాలు ఉన్నప్పుడు అక్కడ నటిస్తూ లేని సమయంలో ఇలా టిఫిన్ సెంటర్ నడిపించుకుంటూ ఉంటానని తెలిపింది.
