చిరంజీవి కార్మికుడిగా అనేక సినిమాల్లో మనకు కనిపించారు. ‘ముఠామేస్త్రీ’లో కూలిగా. ‘మెకానిక్ అల్లుడు’లో కార్మికుడిగా ‘రిక్షావోడు’లో రిక్షావాలాలా ఇలా అనేక చిత్రాల్లో నటించి అలరించారు. అదే విధంగా ఇప్పుడు కూడా కార్మికుడి పాత్రలో మనకు కనిపించబోతున్నారు. తన న్యూ మూవీ గురించి కొన్ని సన్నివేశాలను కూడా చిత్ర యూనిట్ ఈ సందర్భంగా తెలిపింది.
మెహర్ రమేశ్ దర్శకత్వం వహిస్తున్న ‘భోళా శంకర్’లో చిరంజీవి నటిస్తున్న సంగతి మనకు తెలిసిందే. ఈ సినిమాలో ఆయన ట్యాక్సీ డ్రైవర్ గా కనిపించబోతున్నారట. దీనికి సంబంధించిన పోస్టర్ మేడే (సోమవారం) సందర్భంగా చిత్ర యూనిట్ రిలీజ్ చేసింది. ఈ పోస్టర్ లో చిరంజీవి ట్యాక్సీ వద్ద బ్లూకలర్ డ్రెస్ వేసుకొని స్టయిల్ గా నిలబడి కనిపిస్తున్నాడు. మాస్ లుక్ లో ఆయన అదరగొడుతూ టీ కప్పును పట్టుకోవడంతో మెగా అభిమానులు ఫుల్ కుష్ అవుతున్నారు. ఓ కార్మికుడిలాగా ఆయన గెటప్ ఉండడంతో ఈ మూవీలో ఆయన కార్మికుడి పాత్ర వేయబోతున్నట్లు కన్ఫమ్ అవుతుంది.
మేడే సందర్భంగా చిరంజీవి కార్మికులకు, కర్షకులకు తన విసెష్ చెప్పారు. ఈ సినిమాలో తమన్నా చిరంజీవి సరసన హీరోయిన్ గా కనిపించబోతున్నారు. మెగాస్టార్ చెల్లెలిగా కీర్తి సురేశ్ నటించనుంది. తమిళంలో బిగ్ హిట్ సాధించిన ‘వేదాళం’కు రిమేక్ గా ‘భోళా శంకర్’ రూపొందుతున్నట్లు చిత్ర వర్గాలు తెలుపుతున్నాయి. ప్రొడ్యూసర్ రామబ్రహ్మం సుంకర ఏకే ఎంటర్టైన్మెంట్ బ్యానర్ పై ఈ చిత్రాన్ని నిర్మించనున్నారు. భారీ బడ్జెట్ తో దీన్ని తెరకెక్కిస్తున్నట్లు చిత్ర వర్గాలు పేర్కొన్నాయి.