క్రికెట్ లో హిట్టింగ్ కు కొంత నిర్వచనం చెప్పిన క్రికెటర్ ఎవరు అంటే టక్కున గుర్తుకు వచ్చేది… రోహిత్ శర్మ క్రికెట్లో చాలా మంది క్రికెటర్లు ఉంటారు.. అందులో కొందరు మాత్రమే ప్రపంచ స్థాయిలో గుర్తింపు పండుతారు… అందులో ఒకరు రోహిత్… ఆయన బ్యాటింగ్ కు వస్తే బౌలర్ల గుండెల్లో గుబులే… అందరిలోకి సు సీనియర్ అయిన రోహిత్.. ఒకానొక సమయంలో జట్టులో చోటు దక్కించుకోవడమే గగనంగా మారింది. అయితే అతనిలో ట్యాలెంట్ గుర్తించిన ధోనీ.. రోహిత్ను ఓపెనర్గా ఎంపిక చేశాడు.
ఆ నిర్ణయం రోహిత్ కెరీర్ను మార్చేసింది. ఓపెనర్గా అదరగొట్టిన అతను.. వన్డేల్లో అసాధ్యం అనుకునే డబుల్ సెంచరీని మూడుసార్లు బాదాడు. శ్రీలంకపై అయితే ఏకంగా 264 పరుగులు చేసి అవసరమైతే వన్డేల్లో ట్రిపుల్ సెంచరీ చేసే సత్తా తనకుందని నిరూపించాడు. అంతేకాదు, ఐపీఎల్లో ఐదు ట్రోఫీలో నెగ్గి తనలో నాణ్యమైన సారధి కూడా ఉన్నాడని చాటిచెప్పాడు.
ఇప్పుడంటే రోహిత్ బౌలింగ్ వేయడం లేదు కానీ.. ఒకప్పుడు బౌలింగ్లోనూ హిట్మ్యాన్ దిట్టే. ఐపీఎల్లో హ్యాట్రిక్ తీసిన అతి కొద్ది మంది ఆటగాళ్లలో రోహిత్ ఒకడనే విషయం మర్చిపోతే ఎలా? అందుకే హిట్మ్యాన్కు భారత్లో అడుగడుగునా అభిమానులే. అతన్ని ఎవరూ చూసినా సంతోషంతో ఎగిరి గంతేస్తారు. ప్రపంచంలో బౌలర్లు ఎక్కువ భయపడే బ్యాటర్లలో రోహిత్ అనడంలో అతిషేయోక్తి కాదు…
అలాంటి రోహిత్ శర్మ బర్త్డే వస్తే ఫ్యాన్స్ ఊరుకుంటారా.. భారీ ఎత్తున సంబరాలు చేసుకుంటున్నారు…నెటిజన్లు కూడా రోహిత్కు జన్మదిన శుభాకాంక్షలు చెప్తూ తెగ ట్వీట్లు చేస్తున్నారు.
