Outer Ring Road : ‘ఔటర్ రింగ్ రోడ్’ ఇది హైదరాబాద్ కే తలమానికంగా ఉన్న ఎక్స్ ప్రెస్ వే.. అసలు దీని రూపకర్త, నిర్మాత ఎవరని ప్రస్తుతం సందేహాలు నెలకొన్నాయి. ఈ నేపథ్యంలో దీని గురించి ఒక వీడియో ఇప్పుడు సోషల్ మీడియాలో తీవ్రంగా చర్చల్లో నిలుస్తుంది. ఎనిమిది వరుసలు ఉన్న ఈ ఎక్స్ ప్రెస్ వేను చంద్రబాబు నాయుడు డిజైన్ చేశారు. ఆయన హాయంలోనే దీనికి బీజం పడింది. హైదరాబాద్ ను ప్రపంచంలోనే ఐటీకి అతిపెద్ద కేంద్రంగా నిర్మించాలని ఆయన కలలు కన్నాడు. ఈ నేపథ్యంలో హైటెక్ సిటీని నిర్మించాడు.
ఇక, హైదరాబాద్ లో ఐటీ సెక్టార్ కు అవసరమైన ఇన్ఫ్రా స్ట్రక్చర్ క్రియేట్ చేసేందుకు 2001లో చంద్రబాబు నాయుడు ఇన్ సెట్ చేశారు. ఆ సమయంలో హైదరాబాద్ అర్బన్ డెవలప్ మెంట్ కు ఎండీగా లక్ష్మీ పార్థసారధి వ్యవహరించారు. ఆయన ఏ పార్టీకి తలొగ్గకుండా.. ఎవరికీ ఇబ్బంది లేకుండా రోడ్డు కోసం సర్వే పూర్తి చేశారు. ఆ తర్వాత చంద్రబాబు నాయుడు ఈ ప్రాజెక్ట్ కు ఒకే చెప్పారు. అన్నీ కలిసి రావడంతో 2006లో అప్పటి ప్రధాన మంత్రి మన్మోహన్ సింగ్ రోడ్డు నిర్మాణానికి పునాధి రాయి వేశారు.
ఈ భారీ రింగ్ రోడ్డు 2008లో ప్రారంభం కాగా.. 2016లో పూర్తయ్యింది. ఇది ఇండియాలోనే అతిపెద్ద ఎక్స్ ప్రెస్ వే. ఈ రోడ్డుకు అనేక ప్రత్యేకతలు ఉన్నాయి. ఇది 5 జిల్లాలను కలుపుతుంది. నేషనల్ హైవేలను కలుపుతుంది. రాష్ట్ర హైవేలను కూడా కలుపుతుంది. అర్బన్ ప్రాంతాలైన హైటెక్ సిటీ, ఎయిర్ పోర్ట్, ఫైనాన్షియల్ డిస్ట్రిక్ట్ లను కలుపుతుంది. ప్రస్తుతం తెలంగాణ జీడీపీలో 75 శాతం ఈఐటర్ రింగ్ రోడ్డు నుంచే వస్తుందట. ఈ రింగ్ రోడ్డు సృష్టికర్త చంద్రబాబు మాత్రమే అన్న వీడియో ఇప్పుడు వైరల్ అవుతోంది.
