Chandrababu : దిల్లీలో ఆంధ్రప్రదేశ్ ముఖ్యమంత్రి చంద్రబాబు నాయుడు మైక్రోసాఫ్ట్ వ్యవస్థాపకుడు బిల్ గేట్స్‌తో సమావేశమయ్యారు. సుమారు 40 నిమిషాల పాటు జరిగిన ఈ భేటీలో గేట్స్ ఫౌండేషన్ మరియు ఏపీ ప్రభుత్వం మధ్య పలు కీలక ఒప్పందాలపై చర్చించారు. ముఖ్యంగా విద్య, ఆరోగ్యం మరియు వ్యవసాయ రంగాల్లో గేట్స్ ఫౌండేషన్ ఏపీకి సహకారం అందించే అంశాలపై ఇరువురు నేతలు చర్చించారు.
ఈ సహకారానికి సంబంధించిన ఒప్పంద పత్రాలపై గేట్స్ ఫౌండేషన్ ప్రతినిధులు మరియు ఏపీ ప్రభుత్వ అధికారులు త్వరలో సంతకాలు చేసి మార్చుకోనున్నారు. ఈ నేపథ్యంలోనే చంద్రబాబు బిల్ గేట్స్‌తో సమావేశమై ఈ ఒప్పందాలకు తుదిరూపు ఇచ్చారు.
ఆంధ్రప్రదేశ్‌లో అభివృద్ధి కార్యక్రమాల కోసం బిల్ అండ్ మిలిండా గేట్స్ ఫౌండేషన్ రాష్ట్ర ప్రభుత్వంతో చేతులు కలపనుంది. ఆరోగ్యం, విద్య, వ్యవసాయం, గ్రామీణ అభివృద్ధి, ఉద్యోగ కల్పన, సుపరిపాలన, ఆర్టిఫిషియల్ ఇంటెలిజెన్స్ వంటి అనేక కీలక రంగాల్లో సహకారం అందించేందుకు ఇరు పక్షాలు సిద్ధమయ్యాయి. బిల్ గేట్స్, ముఖ్యమంత్రి చంద్రబాబు నాయుడు సమక్షంలో ఈ భాగస్వామ్యానికి సంబంధించిన ముఖ్యమైన ఒప్పందాలపై సంతకాలు జరగనున్నాయి.
భారతదేశంలో ఇప్పటికే పలు అభివృద్ధి కార్యక్రమాలను విజయవంతంగా నిర్వహిస్తున్న గేట్స్ ఫౌండేషన్, ఇప్పుడు ఆంధ్రప్రదేశ్‌లో తన కార్యకలాపాలను మరింత విస్తరించనుంది. ముఖ్యంగా ఆరోగ్యం, విద్య, వ్యవసాయ రంగాల్లో ఫౌండేషన్ అందించే సహాయం రాష్ట్ర అభివృద్ధికి ఎంతో తోడ్పాటునందించనుంది.
రాష్ట్రంలో కొత్తగా కొలువుదీరిన కూటమి ప్రభుత్వం అభివృద్ధిపై ప్రత్యేక దృష్టి సారించింది. ఈ నేపథ్యంలో బిల్ గేట్స్ అందిస్తున్న మద్దతు రాష్ట్రానికి ఒక ముఖ్యమైన ప్రోత్సాహకంగా నిలవనుంది. చంద్రబాబు నాయుడు రాష్ట్రాన్ని అభివృద్ధి పథంలో నడిపించేందుకు చేస్తున్న ప్రయత్నాలకు గేట్స్ ఫౌండేషన్ సహకారం మరింత బలాన్ని చేకూర్చనుంది. ఈ సమావేశం, రానున్న రోజుల్లో ఆంధ్రప్రదేశ్ అభివృద్ధికి ఒక ముఖ్యమైన మైలురాయిగా భావించవచ్చు.
Had a wonderful meeting with Mr @BillGates today. We had a very productive discussion on how the GoAP and the Gates Foundation can collaborate for the development and welfare of the people of Andhra Pradesh. We explored the use of advanced technologies like Artificial… pic.twitter.com/EtNAYY28L6
— N Chandrababu Naidu (@ncbn) March 19, 2025
