-తీన్మార్ మల్లన్న వెనుక రేవంత్ రెడ్డి..?
Telangana CM : ఉగాది పండుగ ముగిసిన తర్వాత తెలంగాణ లో రాజకీయ ప్రకంపనలు చోటుచేసుకుంటాయని సమాచారం. ప్రజలు పండుగ ఉత్సాహంలో మునిగితేలుతుండగా, రాజకీయ వర్గాల్లో మాత్రం పెద్ద దుమారం చెలరేగడం ఖాయమంటున్నారు.
తెలంగాణలో గత కొంతకాలంగా రాజకీయ వాతావరణం గందరగోళంగా మారింది. ముఖ్యమంత్రి రేవంత్ రెడ్డి పాలనపై విభిన్న అభిప్రాయాలు వ్యక్తమవుతుండగా, ఆయన పార్టీ నాయకత్వంపై తిరుగుబాటు గుసగుసలు వినిపించాయి. ఇదే సమయంలో, కాంగ్రెస్ ఎమ్మెల్సీ.. యూట్యూబ్ జర్నలిస్టు తీన్మార్ మల్లన్న రహస్య సమావేశాలు నిర్వహిస్తున్నట్లు వార్తలు లీక్ అయ్యాయి.
గత కొన్ని నెలలుగా ప్రభుత్వాన్ని తీవ్రంగా విమర్శిస్తున్న మల్లన్న, అనూహ్యంగా కాంగ్రెస్ నేతలతో సమావేశాలు జరుపుతున్నాడని విశ్వసనీయ వర్గాలు చెబుతున్నాయి. మల్లన్నకు ప్రజల్లో ఉన్న మద్దతు, రేవంత్ రెడ్డి వ్యతిరేకత దృష్ట్యా ఈ సమావేశాలు నిర్వహిస్తున్నట్టు సమాచారం. దీంతో ఆయనను కీలక రాజకీయ పాత్రలోకి తీసుకురావాలని హైకమాండ్ నిర్ణయించిందని పుకార్లు షికార్లు చేస్తున్నాయి.
ఉగాది తర్వాత రేవంత్ రెడ్డి ని మార్చబోతున్నారని.. ఓ కీలకమైన వార్త బయటకు వచ్చింది—”తెలంగాణ ప్రభుత్వంలో కీలక మార్పులు!” రాష్ట్ర రాజకీయాల్లో ప్రకంపనలు సృష్టించడం ఖాయమని అంటున్నారు. దీంతో కాంగ్రెస్ లో కలకలం చెలరేగుతోంది. దీనికి తోడు, తీన్మార్ మల్లన్న తన యూట్యూబ్ ఛానల్‌లో ఒక సంచలన ప్రకటన చేశాడు.
“తెలంగాణలో త్వరలోనే పెద్ద మార్పు జరుగుతుంది… ప్రజల కోసమే నేను ముందుకు వస్తున్నా!” అని ప్రకటించడం ఈ ఊహాగానాలకు బలం చేకూరుస్తోంది.
అందరూ ఆశ్చర్యపోయేలా, ఉగాది తర్వాత కాంగ్రెస్‌లో కీలకమార్పులు చోటు చేసుకోబోతున్నట్టు సమాచారం. తీన్మార్ మల్లన్న రేవంత్ రెడ్డి తరఫున ప్రజలతో నేరుగా మాట్లాడేందుకు సిద్ధమవుతున్నారని సమాచారం.
మరి, ఈ కలయిక తెలంగాణ రాజకీయాలను ఏ దిశగా మళ్లిస్తుంది? రేవంత్ రెడ్డి కొత్త వ్యూహం ఏమిటి? మల్లన్నకు సీఎం పదవికి సంబంధం ఉందా? ముందు వచ్చే రోజుల్లో తెలంగాణలో రాజకీయ సునామీ ఎటువైపు దారితీస్తుందన్నది వేచిచూడాలి.
