Dhoni playing Candy Crush : భారత మాజీ క్రికెటర్, కెప్టెన్ ధోనీ ఏది చేసిన సంచలనమే. నిజానికి ఆయన ఓ ట్రెండ్ సెట్టర్ అనోచ్చు. క్రికెట్లో కొత్తగా వచ్చిన సమయంలో ధోనీ హెయిర్ స్టైల్ కు ఎంతో మంది ఫ్యాన్స్ అయ్యారు. ఆయన లా ఎందరో ఆ లుక్ కోసం ప్రయత్నించారు. పలువురు ప్రముఖులు కూడా ధోనీ హెయిర్ స్టైల్ ను కూడా ఫాలో అయ్యేందుకు ప్రయత్నించారు. క్రికెట్ లో ఎంతో మంది అభిమానులను, సహచరులతో కూడా హీరో అనిపించుకున్నాడు ఈ జార్కండ్ డైనమెట్.
మిస్టర్ కూల్ కెప్టెన్ గా పేరున్న ధోని ఇండియన్ క్రికెట్ జట్టుకు ఎన్నో విజయాలు అందించాడు. గతంలో ఎంతో మంది సీనియర్ కెప్టెన్లను ఊరించిన ఘనతలను ధోనీ తన నాయకత్వంలో సాధించి చూపించాడు. ఇందులో 2007 టీ20 వరల్డ్ కప్ , 2011 వన్డే ప్రపంచకప్, 2013 ఛాంపియన్స్ ట్రోఫీఅు ఉన్నాయి. టెస్టుల్లో కూడా టీమిండియా ను మొదటి స్థానినికి చేర్చాడు. ప్రస్తుతం టీమిండియా టీం లో లేకున్నా ధోనీ క్రేజ్ ఏమాత్రం తగ్గలేదు. దీనికి ప్రత్యక్ష ఉదాహరణే మొన్నటి ఐపీఎల్. చెన్నై సూపర్ కింగ్స్ జట్టుకు ఐపీఎల్ టైటిల్ ను అందించి, ఐదోసారి ఈ కప్పును గెలిచి వార్తల్లో నిలిచాడు. నిజానికి ఇదో రికార్డు. ఇదో చరిత్ర. ధోనీకి తప్ప మరెవరికీ సాధ్యం కాదని ఆయన అభిమానులు గట్టిగా చెబుతుంటారు. అయితే ధోనీ ఏం చేసినా కొత్తగానే ఉంటుంది. మొన్నటికి మొన్న భగవద్గీత పుస్తకంతో కనిపిస్తే సోషల్ మీడియాలో పెద్ద వైరల్ ఇష్యూ. తాజాగా మరో వైరల్ వీడియో తో ఆయన నెటిజన్లకు చిక్కారు. వైరల్ తాజాగా ఇండిగో ఫ్లైట్ లో ధోని ప్రయాణించాడు. సీట్లో తన ట్యాబ్ లో గేమ్ ఆడుతూ కనిపించాడు ధోనీ. ఇది క్షణాల్లో నెట్టింట చక్కర్లు కొట్టింది. ఇదే సమయంలో ధోనీ ఆడిన క్యాండీ క్రష్ గేమ్ డౌన్ లోడ్లు లక్షల్లో పెరిగాయి. దీంతో ధోనీ క్రేజ్ అది అంటూ ఆయన అభిమానులు ట్రెండ్ చేస్తున్నారు.
అయితే ఈ వీడియోలో ఏముందంటే ఫ్లైట్లో కూర్చొని ట్యాబ్లో గేమ్ ఆడుతున్నాడు మహీ. అంతలోనే ఫ్లైట్ సిబ్బంది వచ్చి ధోనీకి చాక్లెట్స్ ఆఫర్ చేస్తోంది. ధోనీ కూడా నవ్వుతూ ఆ చాక్లెట్స్ తీసుకుంటాడు. ఇక ధోనీ క్యాండీ క్యాండీ క్రష్ గేమ్ ఆడడంపై ఆ ఆట మేనేజ్ మెంట్ థ్యాంక్స్ చెప్పింది. ధోనీ వీడియో చూసిన తర్వాత 3 గంటల్లోనే 30 లక్షల మందికిపైగా క్యాండీ క్రష్ గేమ్ డౌన్ లోడ్ చేసుకున్నారని ప్రకటనలో వెల్లడించింది. అయితే ధోనీ ఇలా గేమ్స్ ఆడడం మొదటి సారి కాదు. మైదానంలోనే కాదు.. ధోనీ ఇలా ట్యాబ్స్, మొబైల్స్లో వివిధ గేమ్స్ ఆడుతూ కనిపించారు. తాజాగా మాత్రం క్యాండీ క్రష్ కు మాత్రం మంచి ఆఫర్ వచ్చింది. ధోనీనా.. మజాకా మరి
