Ram Gopal Varma : దర్శకుడు రామ్ గోపాల్ వర్మకు జైలు శిక్ష విధిస్తూ సంచలన తీర్పు ఇచ్చిన ముంబై అంధేరి కోర్టు. 2018లో నమోదైన చెక్ బౌన్స్ కేసులో RGVని దోషిగా తేల్చిన న్యాయస్థానం.
మహేశ్ చంద్ర అనే వ్యక్తి వర్మపై ఫిర్యాదు చేయగా అప్పటి నుంచి ఒక్కసారి కూడా విచారణకు హాజరు కాని డైరెక్టర్. దీంతో ఆగ్రహించిన కోర్టు.. నాన్-బెయిలబుల్ వారెంట్ జారీ చేసింది. ఫిర్యాదుదారునికి 3 నెలల్లో 3.72 లక్షల పరిహారం ఇవ్వాలని ఆదేశాలిచ్చింది. లేకపోతే.. 3 నెలల జైలు శిక్ష అనుభవించాలని కోర్టు తీర్పు ఇచ్చింది.
జైలు శిక్షపై స్పందించిన RGV
చెక్ బౌన్స్ కేసులో దర్శకుడు RGVకి 3 నెలలు జైలు శిక్ష పడిన విషయం తెలిసిందే. తాజాగా ఈ విషయంపై RGV స్పందించారు. ‘అంధేరీ కోర్టు శిక్ష విధించిన వార్తల గురించి స్పష్టం చేయాలి అనుకుంటున్నా. ఇది నా మాజీ ఉద్యోగికి సంబంధించిన 7ఏళ్ల క్రితం నాటి రూ.2.38లక్షల చెక్ బౌన్స్ కేసు. దీనిపై నా న్యాయవాదులు కోర్టుకు హాజరవుతున్నారు. ఈ విషయం కోర్టులో ఉన్నందున ఇంతకు మించి నేను ఏమీ చెప్పలేను’ అని తెలిపారు.
