Pawan Kalyan : పవర్ స్టార్ పవన్ కల్యాణ్ సినిమాల దూకుడు పెంచాడు. ఏకంగా నాలుగు సినిమాలు లైన్లో పెట్టి ఏది ముందు వస్తుందో తెలియనివ్వడం లేదు. మొన్నటి వరకు ఉస్తాద్ భగత్ సింగ్ ముందు వస్తుందని అనుకున్నా ఇప్పుడు ఓజీ ముందుకు రావడంతో అభిమానుల్లో అనుమానాలు నెలకొన్నాయి. ప్రేక్షకులకు కూడా తెలియకుండా ఏ సినిమాను ముందు పూర్తి చేస్తారో అర్థం కావడం లేదు.
పవన్ సినిమా అంటే అభిమానులకు కిక్కే. ఉస్తాద్ భగత్ సింగ్ ను దర్శకుడు హరీష్ శంకర్ తెరకెక్కిస్తుండగా ఓజీని సుజిత్ నిర్మిస్తున్నాడు. దీంతో ప్రేక్షకులకు ఆతృత నెలకొంది. ఏ సినిమా ముందు థియేటర్లోకి వస్తుందోననే ఉత్కంఠ ఏర్పడింది. ఇంకా హరిహర వీరమల్లు ప్రాజెక్టు ఎన్నో రోజులుగా షూటింగ్ లోనే ఉంటోంది. దీనికి క్రిష్ దర్శకత్వం వహిస్తున్నాడు.
పవన్ అంటే ఓ బ్రాండ్. అందుకే ఆయన్ని తమ సినిమాల్లో ప్రత్యేకంగా చూపించాలనే దర్శకులు ఉత్సాహపడుతుంటారు. అలాంటి వారికే పవన్ అవకాశం ఇస్తుంటాడు. హరీష్ శంకర్ గబ్బర్ సింగ్ సినిమాలో పవన్ కల్యాణ్ ను చూపించిన తీరు అప్పట్లో సంచలనం కలిగించింది. తన కెరీర్ లోనే బ్రహ్మాండమైన హిట్ గా నిలిచింది.
ఇప్పుడు ఉస్తాద్ భగత్ సింగ్ తో కూడా మరోమారు హరీష్ శంకర్ పవన్ కల్యాణ్ ను ప్రత్యేకంగా చూపించాలని కంకణం కట్టుకున్నారు. అభిమానులు కూడా హరీష్ శంకర్ తీరుకు ఫిదా అవుతుంటారు. దీంతో ఉస్తాద్ భగత్ సింగ్ తో పవన్ కల్యాణ్ మరో వండర్ క్రియేట్ చేస్తారని చెబుతున్నారు. దీంతో ఇప్పుడు ఏ దర్శకుడి సినిమా తక్షణం పూర్తి చేస్తారో తెలియడం లేదు.
