bicycle cost : ఇయర్స్ గడుస్తున్న కొద్దీ ఎన్నో మార్పులు చోటు చేసుకున్నాయి. ల్యాండ్లైన్ టెలిఫోన్ల నుంచి స్మార్ట్ఫోన్లకు, వాటర్ కూలర్ల నుంచి లివింగ్ రూమ్లలో ఎయిర్ కండీషనర్ల వరకు మార్పులు జరిగాయి. టెక్నాలజీ అభివృద్ధి చెందకముందు, ఎలక్ట్రానిక్ గ్యాడ్జెట్లు లేదా వాహనాలను కలిగి ఉండటం ఒక లగ్జరీగా భావించేవారు. ఒకప్పుడు ఇంట్లో సైకిల్ ఉండటం చాలా పెద్ద విషయం గా ఉండేది.
కానీ, 1934లో ఒక సైకిల్ కొనుగోలు చేయడానికి ఎంత ఖర్చు అయ్యేదో మీరు ఊహించారా? తాజాగా ఒక పాత సైకిల్ బిల్లు ఇంటర్నెట్లో వైరల్ అవుతోంది, దీని ధర చూస్తే మీరు ఆశ్చర్యపోతారు. ట్విట్టర్లో షేర్ చేసిన ఈ బిల్లు, కోల్కతాలోని మణిక్తలా ప్రాంతంలోని “కుముద్ సైకిల్ వర్క్స్” అనే షాపుకు చెందినదిగా కనిపిస్తోంది. బిల్లులో పెన్సిల్తో రాసిన విషయాలను బట్టి, “ఒక చౌక సైకిల్, లైట్, బెల్ నం. 1933” అని పేర్కొనబడింది. ఈ సైకిల్ ధర కేవలం రూ. 18 మాత్రమే. ఈ బిల్లు 1934 జనవరి 7న జారీ చేయబడిందని పేర్కొనబడింది.
ఈ బిల్లు ఫోటోతో పాటు ట్విట్టర్ యూజర్ ఒక సందేశాన్ని షేర్ చేస్తూ, “90 సంవత్సరాల పాత సైకిల్ బిల్లు దొరికింది. అప్పట్లో రూ. 18 అంటే, ప్రస్తుతం దాదాపు రూ. 1800కు సమానం అనుకుంటున్నాను. నేను సరైనదాన్నే అంటున్నానా?” అని ప్రశ్నించారు. ప్రస్తుతం ఈ బిల్ వైరల్ అవుతోంది.
https://x.com/pushki3/status/1597637982521266176
