leg cramps : మనం రాత్రి పడుకునే సమయంలో కాళ్లలో నొప్పి, తిమ్మిరి వంటి లక్షణాలు ఉంటే నిద్ర పట్టదు. మన చూపంతా వాటి మీదే ఉంటుంది. ఎందుకు ఇలా అవుతోందని ఆలోచిస్తూ ఉంటాం. రోజంతా అలసిపోవడం, శారీరక సమస్యలు వంటి కారణాలతో ఈ నొప్పులు రావడం సహజమే. కాళ్ల నొప్పులు, తిమ్మిర్లు రాకుండా ఉండటానికి ఏ జాగ్రత్తలు తీసుకోవాలో తెలుసుకోవాలి.
కండరాలు బాగా పనిచేయాలంటే ఎక్కువ సేపు ఒకే పొజిషన్ లో కూర్చోకూడదు. రాత్రి సమయంలో మంచం మీద పడుకుని శరీరాన్ని రిలాక్స్ పొజిసన్ లో ఉంచుకుంటే కాళ్ల నొప్పులు రావడం ఖాయం. ఈ నేపథ్యంలో శరీరంలో కాల్షియం, పొటాషియం, మెగ్నిషియం లోపించడం వల్ల ఇవి వస్తాయని చెబుతుంటారు. శరీర ప్రక్రియ అసమతుల్యంగా మారితే తిమ్మిర్లు రావడం జరుగుతుంది.
ఎక్కువ సేపు నిలబడటం వల్ల కూడా కాళ్లలో తిమ్మిరి, నొప్పి వస్తాయి. ఎక్కువ సమయం నిలబడి ఉండే వారికి రాత్రి పూట కాళ్ల తిమ్మిరి వచ్చే అవకాశం ఉంటుంది. రక్తంలో ఎలక్ట్రోలైట్ అసమతుల్యంగా ఉంటే కూడా తిమ్మిర్లు బాధిస్తాయి. వ్యాయామం ఎక్కువగా చేస్తే కాళ్లపై భారం పడుతుంది. అందుకే వ్యాయామం ఎక్కువగా చేయడం అంత సురక్షితం కాదు.
రాత్రి పడుకునే ముందు కాళ్లకు తిమ్మిరి వస్తే కాళ్లను సాగదీయండి. ఇలాంటి సమస్య ఎదురైతే నీళ్లు బాగా తాగాలి. శరీరం డీ హైడ్రేడ్ అయితే కూడా తిమ్మిర్లు రావడం సహజమే. ఎండాకాలంలో పొటాషియం, సోడియం ఎక్కువగా ఉండే ద్రవాలను తీసుకోవడం సురక్షితం. రాత్రి తిమ్మిరిగా ఉంటే పాదాలను మసాజ్ చేయండి. కండరాలకు కూడా మసాజ్ చేస్తే మంచి లాభాలుంటాయి.