Anupama : ఈ మధ్య స్టార్స్ చైల్డ్ హుడ్ పిక్స్ సోషల్ మీడియా వేదికగా వైరల్ అవుతున్న విషయం తెలిసిందే.. సోషల్ మీడియా యువతకు బాగా చేరువ అయిన తర్వాత తమ ఫేవరేట్ తారల గురించి ఏ చిన్న విషయం వచ్చిన వదిలిపెట్టడం లేదు.. ఇక వారి చిన్ననాటి ఫోటోలు కనిపిస్తే వారిని సోషల్ మీడియా వేదికగా నిముషాల్లోనే వైరల్ చేసేస్తున్నారు.
తాజాగా మరొక స్టార్ హీరోయిన్ చైల్డ్ హుడ్ పిక్ నెట్టింట వైరల్ అయ్యింది.. ఆ స్టార్ హీరోయిన్ ఎవరా అని ప్రేక్షకులు ఆరా తీస్తున్నారు. చిన్నప్పుడు చక్కగా కృష్ణుడి గెటప్ వేసుకుని ఫొటోకు ఫోజులు ఇచ్చిన ఈ భామ ఎవరో కాదు.. అనుపమ పరమేశ్వరన్.. ఈ భామ చిన్నప్పుడు కృష్ణుడి గెటప్ లో ఎంతో క్యూట్ గా కనిపిస్తుంది.. ఈ కేరళ కుట్టి అందమైన చైల్డ్ హుడ్ పిక్ ఇప్పుడు నెట్టింట వైరల్ అయ్యింది.
ఈ భామ త్రివిక్రమ్ తెరకెక్కించిన అఆ సినిమాతో టాలీవుడ్ కు ఎంట్రీ ఇచ్చింది.. ఈ సినిమాలో ఈ అమ్మడి సెకండ్ హీరోయిన్ రోల్ లో తనదైన నటనతో మొదటి సినిమా తోనే ప్రేక్షకుల మదిలో నిలిచిపోయింది. ఇక ఆ తర్వాత ఈ భామ ఎంచుకుంటున్న సినిమాలన్నీ మంచి విజయం సాధిస్తూ ఈమెకు మంచి పేరు తెచ్చిపెట్టాయి.
శతమానం భవతి, ఉన్నది ఒకటే జిందగీ, కృష్ణార్జున యుద్ధం, హలొ గురు ప్రేమకోసమే, రౌడీ బాయ్స్ తో బాగా పాపులర్ అయ్యింది. ఇక ఈ మధ్య నటించిన కార్తికేయ 2 సినిమాతో పాన్ ఇండియా వ్యాప్తంగా ఫేమస్ అయ్యింది.. ఆ తర్వాత 18 పేజెస్ సినిమాతో మరో బంపర్ హిట్ అందుకుంది.. ఈ హిట్స్ తర్వాత ప్రజెంట్ ఈ భామ డీజే టిల్లు స్క్వేర్ సినిమాలో నటిస్తుంది.. అలాగే ఈమె చేతిలో మరిన్ని ఇంట్రెస్టింగ్ ప్రాజెక్టులు ఉన్నాయి.
