T20 Cricket Match New Jersey : భారతీయులు ఎక్కడుంటే అక్కడ క్రికెట్ ఉంటుంది. భారతీయులకు క్రికెట్ ఆటే శ్వాస..ధ్యాస. క్రికెటర్లు ఆరాధ్య దైవాలు. అందుకే మన వాళ్లు ఏ దేశమేగినా అక్కడ క్రికెట్ మ్యాచ్ లు తప్పనిసరి. ఇక అమెరికాలో వీకెండ్స్ లో భారతీయులు క్రికెట్ ఆడుతూ తెగ ఎంజాయ్ చేస్తుంటారు. రీసెంట్ గా అమెరికాలో టీ-20 వరల్డ్ కప్ టోర్నీ కూడా జరుగుతుండడంతో ఉత్తర అమెరికా ప్రాంతాల్లో క్రికెట్ ఫీవర్ నడుస్తోంది. కాగా, పలుచోట్ల భారతీయులు క్రికెట్ టోర్నీలు ఆడుతూ ఆస్వాదిస్తున్నారు.
తాజాగా యూబ్లడ్ ఫౌండర్ డాక్టర్ జై జగదీష్ బాబు యలమంచిలి స్పాన్సర్ షిప్ లో బ్యాట్ అండ్ బ్యాట్ క్రికెట్ లీగ్(టీ-20 ) నిర్వహించారు. దీనికి జై స్వరాజ్య టీవీ అండ్ జేఎస్ డబ్ల్యూ టీవీ గ్లోబర్ డైరెక్టర్ డాక్టర్ శివకుమార్ ఆనంద్ గారు సహకారం అందించారు.
ఈనెల 15న సాయంత్రం న్యూజెర్సీ ఎడిసన్ లోని వెస్ట్ విన్డార్స్ కమ్యూనిటీ పార్క్ లో ‘టీమ్ 1983’, ‘ఎన్ జే హాక్స్’ జట్లు తలపడ్డాయి. హోరాహోరీగా సాగిన ఈ టీ-20 మ్యాచ్ లో మొదటగా బ్యాటింగ్ చేసిన ‘టీమ్ 1983’ జట్టు 7 వికెట్లను కోల్పోయి 249 పరుగులు చేసింది. ఆ తర్వాత బ్యాటింగ్ చేసిన ‘ఎన్ జే హాక్స్’ జట్టు 10 వికెట్లు కోల్పోయి కేవలం 147 పరుగులు మాత్రమే చేయగలిగింది. దీంతో ‘టీమ్ 1983’ జట్టు 102 పరుగులతో ఘన విజయం సాధించింది.
‘టీమ్ 1983’ జట్టు తరుఫున వంశీ టాప్ స్కోరర్ గా నిలిచారు. కేవలం 43 బంతుల్లో 106 పరుగులు చేసి జట్టుకు ఒంటి చేత్తో విజయాన్ని అందించాడు. అతడికి వెంకట్ సహకారమందించి 41 పరుగులు చేశాడు. ఇక ఎన్ జే హాక్స్ జట్టులో సికిందర్ 45 పరుగులు చేసి టాప్ స్కోరర్ గా నిలిచాడు. అయితే హాక్స్ జట్టును టీమ్ 1983 బౌలర్లు 147 పరుగులకే కట్టడి చేసి 102 పరుగుల భారీ విజయాన్ని అందుకున్నారు.
స్కోరు వివరాలు:
టీమ్ 1983 ఇన్నింగ్స్:
వంశీ వై 106(43)
వెంకట్ ఎస్ 41(23)
వెంకీ ఆర్ 27(13)
బౌలింగ్: ధర్మేష్ ఎస్ 2-37(3 ఓవర్లు), నాధున్ ఏ 2-40(2.5ఓవర్లు), సయ్యద్ రాజా జడ్ 1-16(2 ఓవర్లు)
ఎన్ జే హాక్స్ ఇన్నింగ్స్:
సికందర్ ఏ 45(23)
షామ్రాజ్ ఏ 27(17)
ఆహ్మెర్ ఐ 20(13)
బౌలింగ్: వెంకీ ఆర్ 3-13(1.5ఓవర్లు), వెంకట్ ఎస్ 2-13(2 ఓవర్లు), రాఘవ కల్యాణ్ 2-16(3ఓవర్లు)
Photos courtesy of Dr. Shivakumar Anand, Global Director, JSW TV, Jeswarajya TV
