Uttar Pradesh : వివాహేతర సంబంధాలు జీవితాలనే మరుస్తాయనేందుకు ఎన్నో ఉదాహరణలు ఉన్నాయి. అందులో తాజాగా జరిగినది ఒకటి. పాపం ఎంతో కష్టపడి పరీక్షలు రాసి, ఫిట్ నెస్ టెస్ట్ లు పాసై డీఎస్పీ జాబ్ తెచ్చుకుంటే కేవలం ఒక యువతి నిబంధనలకు వ్యతిరేకంగా ఉన్నావంటూ కానిస్టేబుల్ గా డిమోషన్ అయ్యాడు. ఈ ఘటన ఉత్తర ప్రదేశ్ (యూపీ)లో జరిగింది. వివరాల్లోకి వెళ్తే..
యూపీ పోలీస్ డిపార్ట్ మెంట్ కు చెందిన క్రిపా శంకర్ కనౌజియా కానిస్టేబుల్ గా డిపార్ట్ మెంట్ లో అడుగుపెట్టి అంచెలంచెలుగా కష్టపడి డీఎస్పీ స్థాయికి చేరుకున్నాడు. అయితే, మూడేళ్ల క్రితం ఓ మహిళతో వివాహేతర సంబంధం పెట్టుకున్నాడు. ఈ విషయంలో రెడ్ హ్యాండెడ్గా పట్టుబడ్డాడు. అతన్ని పట్టుకున్న సమయంలో ఆయన ఉన్నావ్లో సర్కిల్ ఆఫీసర్గా ఉన్నాడు. కుటుంబంలోని పర్సనల్ పని అని చెప్పి ఎస్పీ అనుమతితో సెలవు తీసుకున్నాడు. ఇంటికి వెళ్లే బదులు ఓ మహిళా కానిస్టేబుల్తో కలిసి కాన్పుర్ లోని ఒక హోటల్కు వెళ్లాడు. అధికారిక, పర్సనల్ ఫోన్లను స్విచ్ ఆఫ్ చేశాడు.
కనౌజియా ఫోన్ కలవకపోవడంతో అతడి భార్య ఎస్పీని సంప్రదించింది. దీనిపై దర్యాప్తు ప్రారంభించిన పోలీసులు కాన్పుర్లోని హోటల్లో అతడి ఫోన్ లొకేషన్ గుర్తించారు. వెంటనే అక్కడికి చేరుకొని ఇద్దరినీ రెడ్ హ్యాండెడ్ గా పట్టుకున్నారు. ఇద్దరు కానిస్టేబుళ్ల తీరును తీవ్రంగా పరిగణించిన అప్పటి లక్నో రేంజ్ ఐజీపీ విచారణకు ఆదేశించారు. క్రమశిక్షణా రాహిత్యం కింద చర్యలు తీసుకోవాలని సిఫార్సు చేశారు. దీనిపై ఇటీవల విచారణ పూర్తి చేసిన పోలీసులు క్రిపా శంకర్ కనౌజియాను గోరఖ్పూర్ బెటాలియన్లోని ‘ప్రావిన్షియల్ ఆర్మ్డ్ కానిస్టేబులరీ’లో కానిస్టేబుల్గా డిమోట్ చేశారు.
