Lovers Conflict :పశ్చిమ బెంగాల్ రాష్ర్టంలోని బీర్బూమ్ జిల్లా కాశీపూర్ గ్రామానికి చెందిన మోమినుల్ ఇస్లాం, అదే గ్రామానికి చెందిన భోజో ఖాన్ కుమార్తె ఐదేళ్లుగా ప్రేమించుకుంటున్నారు.. ఐతే కొన్ని రోజులుగా ఇరువురి మధ్య మనస్పర్థలు వచ్చాయి. అయితే ఇరువురి మధ్య సయోధ్య కోసం మాట్లాడుకుందామని మోమినుల్ ఇస్లాంను ప్రియురాలి కుటుంబసభ్యులు ఇంటికి పిలిచారు. ఇద్దరిని మాట్లాడుకోమని చెప్పారు. అయితే మోమినుల్ ఇస్లాం ఎంతకూ తగ్గకపోవడంతో, పెద్ద గొడవ జరిగింది. దీంతో ప్రియురాలి కుటుంబ సభ్యులు యువకుడిపై దాడి చేసి పెదాలు కోసేశారు. ఇక రక్తం కారుతున్న యువకుడు అలాగే తన ఇంటికి చేరుకున్నాడు. అతడి కుటుంబ సభ్యులు వెంటనే మోమామిల్ ను బోల్ పూర్ లోని దవాఖాకు తరలించారు. ఇక ప్రియురాలి ఇంటిపైకి శుక్రవారం ప్రియుడి కుటుంబ సభ్యులు, బంధువులు దాడికి వెళ్లారు. అక్కడే ఆందోళనకు దిగారు. మాట్లాడుకుందామని పిలిచి, ఇలా చేసిన వారిని కఠినంగా శిక్షించాలని డిమాండ్ చేశారు. పోలీసులు రంగప్రవేశం చేసి ఇరు వర్గాలతో మాట్లాడారు. కేసు నమోదు చేస్తామని హామీనివ్వడంతో శాంతించారు. ఏదేమైనా ప్రేమికుల మధ్య వివాదం ఇలా ఇరువర్గాల మధ్య ఉద్రిక్తతలకు దారితీసింది.
