Gold prices : పసిడి ప్రియులకు శుభవార్త. బంగారం ధరలు వరుసగా రెండో రోజు తగ్గాయి. నిన్న భారీగా తగ్గిన బంగారం ధరలు, ఈరోజు స్వల్పంగా తగ్గుముఖం పట్టాయి. 24 క్యారెట్ల 10 గ్రాముల బంగారంపై నిన్న ₹3,000, ఈరోజు ₹110 తగ్గింది. ప్రస్తుతం 24 క్యారెట్ల ధర ₹98,240గా ఉంది. అదేవిధంగా, 22 క్యారెట్ల 10 గ్రాముల బంగారంపై నిన్న ₹2,750, ఈరోజు ₹100 తగ్గింది. ప్రస్తుతం 22 క్యారెట్ల ధర ₹90,050గా ఉంది. హైదరాబాద్, విశాఖ, విజయవాడ వంటి ప్రధాన నగరాల్లో కూడా ఇవే ధరలు నమోదయ్యాయి.
వెండి ధర కూడా ఈరోజు స్వల్పంగా ₹100 తగ్గింది. బులియన్ మార్కెట్‌లో కిలో వెండి ధర ₹1,00,900 ఉండగా, తెలుగు రాష్ట్రాల నగరాల్లో ₹1,10,900గా నమోదైంది. ప్రాంతాలను బట్టి ధరల్లో స్వల్ప తేడాలు ఉంటాయని గమనించాలి. ఈ ధరలు ఏప్రిల్ 24వ తేదీ ఉదయం 10 గంటల వరకు నమోదైనవి.
