Grand Musical Concert : అమెరికాలో తెలుగు వాళ్లకు కొదువలేదు. ఇక కొన్ని చోట్లయితే అమెరికాలో ఉన్నామా..ఆంధ్రాలో ఉన్నామా అనే భావన కలుగుతుందనడంలో సందేహం లేదు. మన తెలుగు వాళ్ల ఆనందం కోసం పలు ప్రోగామ్స్ నిర్వహిస్తుంటాయి స్వచ్ఛంద, ఇతర సంస్థలు. అలాంటిదే వేగేశ్న ఫౌండేషన్. సేవా కార్యక్రమాల్లో ముందుండడమే కాదు భారతీయ కళల ప్రోత్సాహానికి ఈ ఫౌండేషన్ విశేష కృషి చేస్తోంది. అందులో భాగంగానే న్యూజెర్సీ తెలుగు అసొసియేషన్ తో కలిసి అమెరికాలో ‘గ్రాండ్ మ్యూజికల్ కాన్సర్ట్’ నిర్వహించబోతోంది.
ఈ నెల 15న సాయంత్రం 4.30 గంటల నుంచి ఓమ్ శ్రీ సాయి బాలాజీ టెంపుల్ అండ్ కల్చరల్ సెంటర్, 285 రోడే హాల్ రోడ్, మన్రో టౌన్ షిప్ టౌన్ షిప్, న్యూజెర్సీ 08831 ప్రాంతంలో ఈ సంగీత విభావరిని ఘనంగా నిర్వహించబోతున్నారు. దీనికి ప్రముఖ భారతీయ నేపథ్య గాయకుడు శ్రీ రామకృష్ణ యనమంద్ర, సింగర్ లలిత రామకృష్ణ తమ పాటలతో ప్రేక్షకులను అలరించనున్నారు. ఈ కార్యక్రమానికి ఉచిత ప్రవేశమే కాదు భోజనం కూడా ఉంటుందని నిర్వాహకులు తెలిపారు. ఈ ఈవెంట్ కు హాజరు కావాలనుకునే వారు మంజుభార్గవ: (973)715-8944, బిందు మాదిరాజు: (732)609-1836, ఉషా రావిళ్ల: (732)-9037, స్వాతి అట్లూరి: (732)429-2948, అనురాధ అరుణ్: (732)585-0583, శ్రీనివాస్ భార్తవరపు:(347)668-9861, క్రిష్ణవేణి: (732)692-4915, ఉషారాణి చింత:(732)692-0362, విజయ సప్ప:(646)945-3243లను సంప్రదించవచ్చు. కాగా, ఈ సంగీత కార్యక్రమానికి అధిక సంఖ్యలో హాజరుకావాలని వేగేశ్న ఫౌండేషన్ మేనేజింగ్ ట్రస్టీ శ్రీరామరాజు కోరారు.
‘వేగేశ్న ఫౌండేషన్’ గురించి..
సమాజంలో నిర్లక్ష్యానికి గురైన దివ్యాంగ పిల్లల సర్వతోముఖాభివృద్ధి కోసం 1988 సంవత్సరంలో వేగేశ్న ఫౌండేషన్ ను వంశీ రామరాజు స్థాపించారు. తెలంగాణలోని పెద్ద అంబర్ పేట మున్సిపాలిటీ, అబ్దుల్లాపూర్ మెట్ మండలం కుంటూర్ లో దీనిని నెలకొల్పారు. ఈ సంస్థ ఆర్థోపెడికల్ ఛాలెంజ్డ్ పిల్లలకు విద్యా, నివాస, శారీరక చికిత్స, శస్త్రచికిత్సల కోసం ప్రారంభించబడిన ఈ ఫౌండేషన్..ఎంతో మంది దాతల సహకారంతో సమాజంలో మార్పు తీసుకురావాలనే మంచి ఉద్దేశంతో ముందుకు సాగుతోంది.
‘వేగేశ్న ఫౌండేషన్’ అమెరికాలో సంగీత కచేరిలను ఏర్పాటు చేసి తమ సంస్థ ద్వారా అందజేసే సేవలకు నిధులను సేకరిస్తోంది. ముఖ్యంగా తెలుగువారు ఉండే ప్రాంతాల్లో ఈ కార్యక్రమాలను ఏర్పాటు చేయిస్తూ వారి సహకారంతో దివ్యాంగ పిల్లలను ఆదుకుంటోంది. సామాజిక సేవ మాత్రమే కాదు విదేశాల్లో ఉన్న తెలుగు సంగీత ప్రియుల కోసం సంగీత విభావరులు ఏర్పాటు చేయడం విశేషం.
‘‘సమాజంలోని నిరుపేద పిల్లల జీవితాలను మెరుగుపరిచే ప్రయాణంలో వేగేశ్న ఫౌండేషన్ ముందుకు వచ్చింది.. సానుకూల మార్పును తీసుకురావడానికి, వారికి ఉజ్వల భవిష్యత్తును నిర్మించడానికి భారతదేశమే కాదు విదేశాల్లో ఉన్నవాళ్లు సైతం మద్దతు ఇస్తున్నారని వారందరికీ కృతజ్ఞతలు..’’ అని నిత్యం వేగేశ్న ఫౌండేషన్ వ్యవస్థాపకులు వంశీ రామరాజు చెప్తుంటారు.
