Bangladesh Vs Sri Lanka : శ్రీలంక, బంగ్లాదేశ్ మధ్య డల్లాస్ లో జరిగిన మ్యాచ్ లో బంగ్లాదేశ్ విజయం సాధించింది. టాస్ గెలిచి ఫీల్డింగ్ తీసుకున్న బంగ్లా బౌలర్లపై లంక ఓపెనర్ పథూమ్ నిస్సంకా..బౌండరీలతో విరుచుకుపడ్డాడు. 28 బంతుల్లోనే 47 పరుగులు చేయగా.. మిగతా బ్యాటర్లు చేతులెత్తేయడంతో నిర్ణీత 20 ఓవర్లలో 124/9 వికెట్లతో ఇన్సింగ్స్ ముగించింది.
బంగ్లా బౌలర్లలో రిషద్ హోసెన్, ముస్తాపిజుర్ రెహమన్ చెరో మూడు వికెట్లు తీసి లంక బ్యాట్స్ మెన్ ను కట్టడి చేశారు. అనంతరం బ్యాటింగ్ కు దిగిన బంగ్లా ఓపెనర్లను లంక బౌలర్లు 0, 3 పరుగులకే పెవిలియన్ కు పంపారు. కెప్టెన్ నజ్ముల్ షాంటో కూడా 7 పరుగులకే ఔట్ కాగా.. వన్ డౌన్ బ్యాట్స్ మెన్ 36 పరుగులు, మిడిలార్డర్ బ్యాటర్ హృదోయ్ 20 బంతుల్లోనే నాలుగు సిక్సులు, ఒక ఫోర్ తో 40 పరుగులు చేసి బంగ్లా విజయాన్ని ఖాయం చేశారు.
లంక బౌలర్లలో నువాన్ తుషార నాలుగు వికెట్లు తీయగా.. వహిందు హసరంగా రెండు వికెట్లు తీశారు. కాగా మొదటి ఇన్సింగ్స్ లో కేవలం 124 పరుగులు చేయడంతో బంగ్లా చివరి బ్యాటర్లు సమయోచింగా ఆడి విజయాన్ని అందించారు. .113 పరుగులకే 8 వికెట్లు కోల్పోగా.. బంగ్లా సీనియర్ బ్యాటర్ మహ్మదుల్లా 13 పరుగులతో తీవ్ర ఒత్తిడో మ్యాచ్ ను గెలిపించాడు.
బంగ్లాదేశ్ విజయంతో పాయింట్ల పట్టికలో బోణి కొట్టగా.. ఇప్పటికే సౌతాఫ్రికాతో ఓడిపోయిన శ్రీలంక, బంగ్లాతో ఓటమితో ఇంటి బాట పట్టడం ఖాయంగా కనిపిస్తోంది. నెదర్లాండ్స్, నేపాల్ తో గెలిచినా కూడా మిగతా జట్ల బలబలాలపై ఆధారపడాల్సి ఉంటుంది. కొత్త కెప్టెన్ గా వహిందు హసరంగాను సెలెక్ట్ చేసినా లంక తీరు ఏ మాత్రం మారలేదు. సౌతాఫ్రికా, బంగ్లాదేశ్, నెదర్లాండ్స్ మధ్య సూపర్ 8 కోసం తీవ్ర పోటీ నెలకొంది.
