Nikita Dutta : దక్షిణాసియాలో కొవిడ్-19 మళ్లీ విజృంభిస్తోంది. భారత్లో కరోనా కేసుల సంఖ్య క్రమంగా పెరుగుతోంది. ఈ నేపథ్యంలో బాలీవుడ్ ప్రముఖులు కూడా కరోనా బారిన పడుతున్నారు. ఇటీవల శిల్పా శిరోద్కర్కు కొవిడ్ పాజిటివ్గా నిర్ధారణ అయిన విషయం తెలిసిందే.
తాజాగా, బాలీవుడ్ నటి నికిత దత్తాకు కరోనా సోకినట్లు తేలింది. ఈ విషయాన్ని ఆమె సోషల్ మీడియా ద్వారా వెల్లడించారు. తనతో పాటు తన తల్లికి కూడా కొవిడ్ పాజిటివ్గా నిర్ధారణ అయినట్లు తెలిపారు. ప్రస్తుతం వారు ఇంట్లో క్వారంటైన్లో ఉంటూ చికిత్స తీసుకుంటున్నారు. అందరూ జాగ్రత్తలు పాటించాలని నికిత సూచించారు. ఈ మేరకు ఆమె సోషల్ మీడియాలో పోస్ట్ షేర్ చేశారు.
