నిత్యం వాడుతుంటాం కాబట్టి స్టోరేజ్ నిండిపోతుంది. ఈ సమస్య ఎప్పుడూ వస్తూనే ఉంటుంది. ఇక వాట్సప్ తో స్టోరేజీ ఫుల్ అవ్వడం గురించి తెలుసుకుంటే.. వాట్సప్ లో ఫొటోలు, వీడియోలు అప్లోడ్ చేస్తుంటారు. వాటిలో అవసరం లేనివి చాలానే ఉంటాయి.
వాట్సప్ యాప్లో ఒక సారి కంటెంట్ డౌన్ లోడ్ అనుమతి ఇచ్చిన తర్వాత ఆటోమాటిక్గా మీ ఫోన్లో డౌన్లోడ్ అవుతూనే ఉంటాయి. ఫ్యామిలీ, ఆఫీస్తో పాటు ఫ్రెండ్స్ గ్రూపుల్లో అనేక మీడియా ఫైల్స్ ఉంటాయి. ఇన్ని ఉన్నా మీ ఫోన్ స్టోరేజీ నిండకుండా ఉండాలంటే.. వాట్సప్ కంటెంట్ ను డౌన్ లోడ్ చేయకుండా చూసుకోవాలి.
స్టోరేజీని క్లీన్ చేసుకునేందుకు వీడియోలు, ఫొటోలను ఒక్కొక్కటిగా తొలగించాలి. ఇలా అయితే మీకు చాలా సమయం పడుతుంది. ఈ సమస్యను అధిగమించాలంటే ప్రతి చాట్ మీడియా, ఆటో-డౌన్లోడ్ నిలిపివేయడమే సరైన పరిష్కారం.
వాట్సప్ మీకొక ఆప్షన్ ఇస్తుంది. కానీ, ఈ ఫీచర్ను వాడుకోవడం ద్వారా అవసరమైన కొన్ని ఫొటోలు, వీడియోలు కూడా ఆటోడౌన్ లోడ్ కావు, ఇది గమనించుకోవాలి.
మీకు వాట్సప్ లో మీడియా ఫైల్ వచ్చినప్పుడు.. యాప్ ఆటో మేటిక్గా ఫోన్ గ్యాలరీలో సేవ్ చేస్తుంది. మీడియా విజిబిలిటీ ఎంపిక ఆన్ అవుతుంది.
ఈ ఫీచర్ ను ఆన్ లేదా ఆఫ్ చేసిన తర్వాత డౌన్లోడ్ చేసిన మీడియాను మాత్రమే ఇది ప్రభావితం చేస్తుంది. అంటే.. అయితే, ఇప్పటికే డౌన్లోడ్ చేసిన మీడియాకు వర్తించదు. ఫొటోలు, వీడియోల కోసం వాట్సాప్లో ఆటో డౌన్లోడ్ ఎలా ఆఫ్ చేయాలో తెలుసుకుందాం..
1. వాట్సప్ ఓపెన్ చేసి.. ఆటో డౌన్లోడ్ని నిలిపే ఏదైనా చాట్పై నొక్కండి.
2. చాట్ పేరుపై ప్రెస్ చేయడం ద్వారా చాట్ ప్రొఫైల్ సెక్షన్కు వెళ్లండి.
3. కిందికి స్క్రోల్ చేసి, మీడియా విజిబిలిటీపై నొక్కండి.
4. ఆటో డౌన్లోడ్ నిలిపివేయడానికి ‘No’పై క్లిక్ చేయండి.
అయితే, ఇక్కడ మీరు ఈ ఫీచర్ ను ఎనేబుల్ చేయాలని అనుకున్నట్లయితే ఇదే విధానాన్ని అనుసరించి ‘No’ బటన్కు బదులుగా ‘Yes’ క్లిక్ చేయాలి.
