MS Dhoni : ఐపీఎల్ 2023 ఫైనల్ మ్యాచ్‌లో చెన్నై సూపర్ కింగ్స్ చివరి బంతికి గుజరాత్ టైటాన్స్‌ను ఓడించి చరిత్ర సృష్టించింది. ఉత్కంఠభరితమైన మ్యాచ్‌లో 5 వికెట్ల తేడాతో CSK IPL 2023 టైటిల్‌ను గెలుచుకుంది. చెన్నైకి 5వ టైటిల్ గెలిచిన తర్వాత, MS ధోని IPL నుండి రిటైర్మెంట్ పై ప్రకటన చేశాడు. తన రిటైర్‌మెంట్‌పై వస్తున్న ఊహాగానాలను కొట్టిపారేసిన ధోని అభిమానుల ప్రేమను చూసి, వారికి బహుమతి ఇచ్చేందుకు వచ్చే సీజన్‌లో కూడా ఆడతానని చెప్పాడు. ఈ సీజన్ ప్రారంభం నుంచి ఇది ధోనీకి చివరి సీజన్ అని ఊహాగానాలు వస్తున్నాయి.
గుజరాత్ టైటాన్స్‌పై ఐదు వికెట్ల తేడాతో విజయం సాధించిన తర్వాత, ఇదే ఆఖరి సీజన్ అని ధోనిని ప్రశ్నించగా? పరిస్థితులు చూస్తుంటే రిటైరయ్యేందుకు ఇదే సరైన సమయమని ధోనీ పేర్కొన్నాడు. నేను ఇప్పుడు రిటైర్ అవుతున్నాను అని చెప్పడం చాలా సులభం, కానీ రాబోయే 9 నెలలు కష్టపడి తిరిగి రావడం, మరో సీజన్ ఆడడం చాలా కష్టం. శరీరాన్ని కాపాడుకోవాల్సిన అవసరం ఉందన్నారు.
