Kalki 2898 AD : కల్కి 2898 ఏడీ సినిమాను పురాణాలు, సైన్స్ ఫిక్చన్ తరహాలో తెరకెక్కించాడు నాగ్ అశ్విన్. ఈ సినిమా లో కృష్ణుడి పాత్రధారిలో నటించిన స్టార్ ఇతడేనంటూ చాలా మంది సోషల్ మీడియాలో తెగ వైరల్ చేస్తున్నారు. కల్కి 2898 మూవీ విడుదలైన మొదటి రోజే సంచలన సక్సెస్ సాధించి రికార్డు కలెక్షన్లతో దూసుకుపోతుంది. ప్రీమియర్ షోస్ నుంచే బ్లాక్ బస్టర్ టాక్ అందుకుంది. కథతో పాటు విజువల్ ఎఫెక్ట్స్, ఊహించని గెస్ట్ రోల్స్ తో ప్రేక్షకులను మైమరిపిస్తోంది. దీంతో ఆడియన్స్ తెగ ఎట్రాక్ట్ అవుతున్నారు.
అశ్వత్థామగా అమితాబ్ బచ్చన్ నటించగా.. కృష్ణుడిగా నటించిన యాక్టర్ గురించి నెట్టింట తెగ చర్చ నడుస్తోంది. సినిమాలో కురుక్షేత్ర బ్యాక్ గ్రౌండ్ తో కొన్ని సీన్లు ఉన్నట్లు తెలుస్తోంది. దీనికి సంబంధించి కృష్ణుడి ముఖాన్ని రివీల్ చేయలేదు. కృష్ణుడి పాత్రలో నటించింది కృష్ణ కుమార్ అలియాస్ కేకే అంటూ మాట్లాడుకుంటున్నారు. కానీ కొంతమంది హిరో నాని నటించాడని చెబుతున్నారు.
కేకే కు సినిమా రంగంలో అపార అనుభవం ఉన్నట్లు, ఈ పాత్రకు అర్జున్ దాస్ డబ్బింగ్ చెప్పినట్లు లీక్ లు ఇస్తున్నారు. మొన్నటి వరకు విజయ్ దేవరకొండ ఈ మూవీలో నటించాడని వైరల్ కాగా.. అది నిజమని సినిమా చూస్తే గానీ ఎవరికీ అర్థం కాలేదు. విజయ్ కు ఇచ్చిన పాత్ర అతడి జీవితంలో మరిచిపోలేనిది. ఇంత పెద్ద మూవీలో అవకాశం దొరకడంతో రౌడీ బాయ్స్ ఫ్యాన్స్ కూడా ఆనందంలో మునిగిపోయారు.
కృష్ణుడి పాత్ర చేసింది తమిళ స్టార్ కృష్ణ కుమారే అని ఆయన సోషల్ మీడియాలో ఇచ్చిన హింట్ ఆధారంగా తెలుస్తోంది. అర్జునుడి పాత్రలో విజయ్ దేవరకొండ, అతిథి పాత్రల్లో పరియా అబ్డుల్లా, మాళవిక, మృణాల్ ఠాకూర్, లాంటి హిరోయిన్లు ఈ మూవీలో నటించి సర్ ఫ్రైజ్ ఇచ్చారు. వీరితో పాటు డైరెక్టర్లు రామ్ గోపాల్ వర్మ, రాజమౌళి, అనుదీప్ కనిపించడంతో అసలు కల్కి మూవీలో ఇంతమంది స్టార్లు నటించారా .. నిజంగా పైసా వసూల్ మూవీ అని ప్రేక్షకులు తెగ సంబరపడిపోతున్నారు.
