Jabardast comedian Hari : జబర్దస్త్ ఆర్టిస్టులు ఏదో ఒక కేసులో ఇరుక్కోవడం కొత్తేమీ కాదు. ఇదివరకు చాలా సంఘటనలు ఇలాగే జరిగాయి. ఈ నేపథ్యంలో జబర్దస్త్ ఆర్టిస్టు హరి అలియాస్ హరిత ఎర్ర చందనం కేసులో అతడి పాత్ర ఉన్నట్లు ఇటీవల వార్తలు రావడంతో సంచలనంగా మారింది. దీనిపై అతడు వివరణ ఇస్తూ ఇదంతా అబద్ధమని కొట్టిపారేస్తున్నాడు.
జబర్దస్త్ కమెడియన్ గుట్టు చప్పుడు కాకుండా ఎర్రచందనం అక్రమ రవాణా చేస్తున్నట్లు పోలీసులు చెబుతుండటంతో ఇప్పుడు స్మగ్లింగ్ కేసులో అతడి పాత్ర లేదని మాట మార్చడంపై అనుమానాలు వస్తున్నాయి. ఇలాంటి ప్రకటనలు రావడం వెనుక కారణాలు ఏమై ఉంటాయనే వాదనలు వెలుగులోకి వస్తున్నాయి. ఏదో జరిగి ఉంటుందని సంశయాలు వెల్లువెత్తుతున్నాయి.
స్మగ్లర్ హరిబాబు జబర్దస్త్ నటుడు హరికృష్ణ వేరని చెబుతున్నాడు. 2013లో షకలక శంకర్ టీంలో హరిబాబు అనే వ్యక్తి రెండు మూడు ఎపిసోడ్లలో మాత్రమే కనిపించాడని తరువాత కనిపించలేదు. కానీ హరిత మాత్రం అప్పటి నుంచి జబర్దస్త్ లోనే ఉండటంతో అతడే తనుగా భావిస్తున్నారు. అదే ఉద్దేశంతో తనను కూడా స్మగ్లర్ గా భావించడంతో తప్పు జరిగినట్లు చెబుతున్నారు.
స్మగ్లింగ్ విషయంలో తనకు వచ్చిన చెడ్డపేరుతో హరి ఇబ్బంది పడ్డాడు. ఎర్రచందనం స్మగ్లింగ్ కేసులో తన పేరు ఇదే తొలిసారి కాదని మూడోసారని చెబుతున్నాడు. నిజం తెలియకుండా చేసిన పనికి తన ఉనికికే ప్రమాదం ఏర్పడిందని ఆవేదన వ్యక్తం చేశాడు. నిజానిజాలు తెలుసుకుని వెల్లడించాలని హరి పోలీసులకు సూచిస్తున్నాడు. మొత్తానికి ఏం జరిగిందో కానీ తన పేరు తప్పుగా వేశారని మాత్రం చెబుతున్నాడు.
