SI Bhavani Sen : భూపాలపల్లి జిల్లా కాళేశ్వరం ఎస్ఐ భవానీ సేన్ పై తెలంగాణ ప్రభుత్వం చర్యలు తీసుకుంది. ఎస్ఐ భవానీసేన్ ను డిస్మిస్ చేస్తూ ఉత్తర్వులు జారీ చేసింది. మహిళా కానిస్టేబుల్ ను లైంగికంగా వేధించినట్లు నిర్ధారణ కావడంతో ప్రభుత్వం ఈ చర్యలు తీసుకుంది.
కాళేశ్వరం ఎస్ఐ భవానీ సేన్ సర్వీస్ రివాల్వర్ ఎక్కుపెట్టి తనపై లైంగిక దాడి చేశారని ఊ10ఆరోపిస్తూ అదే ఠాణాలో పనిచేస్తున్న మహిళా కానిస్టేబుల్ జూన్ 18న రాత్రి జిల్లా ఎస్పీ కిరణ్ ఖరేకి ఫిర్యాదు చేసింది. ఉన్నతాధికారుల ఆదేశాలతో పోలీసులు నిన్న అర్ధరాత్రి ఎస్ఐ భవానీ సేన్ ను అరెస్టు చేశారు. అక్కడి నుంచి భూపాలపల్లి జిల్లా ఠాణాకు తరలించి పూర్తి స్థాయిలో విచారణ చేశారు. అతని దగ్గరి నుంచి సర్వీస్ రివాల్వర్ ను స్వాధీనం చేసుకొని డిస్మిస్ చేశారు. 311 ఆర్టికల్ ప్రకారం సర్వీస్ నుంచి తొలగిస్తూ ఉత్తర్వులు జారీ చేశారు.
భవానీ సేన్ నోట తరచూ వినిపించే పదం నేను మంత్రి మనిషిని, నాకేం కాదు. ఇలా చెప్పుకుంటూ పై అధికారులను మొదలుకొని కింది స్థాయి సిబ్బందిని భయబ్రాంతులకు గురి చేసినట్లు ఆరోపణలు ఉన్నాయి. అతని బెదిరింపులు తట్టుకోలేక ఆ స్టేషన్ లో పనిచేస్తున్న ఓ ఏఎస్ఐ, ఓ హెడ్ కానిస్టేబుల్, మరో కానిస్టేబుల్ బదిలీ చేసుకుని వెళ్లినట్లు తెలిసింది.
