Kalki 2898 AD : భారీ అంచనాల మధ్య విడుదలైన కల్కి 2898 ఏడీ మూవీ సంబంధించిన రివ్యూస్ బయటకు వస్తూనే ఉన్నాయి. ఎంంతో ఆసక్తిగా ఎదురు చూసిన ప్రేక్షకులకు కొత్త ఊహా ప్రపంచాన్ని పరిచం చేశాడు నాగ్ అశ్విన్. హిందూ పురాణాలకు సైన్స్ ను ముడిపెట్టి హాలీవుడ్ స్థాయిలో ఈ సినిమా తీశాడు. ఇక సినిమాలో స్టార్ కాస్టింగ్ మరీ హెవీగా అయ్యింది. ఆ క్యారెక్టర్లు ఇలా వచ్చి అలా వెళ్లిపోతుంటాయి. టాప్ డైరెక్టర్లను సైతం ఒప్పించడం మామూలు విషయం కాదు.
ప్రభాస్ వెంట పడుతున్న రాజమౌళి..
దర్శకుడు రాజమౌళితో ఒక హీరో సినిమాతో టై అప్ అయ్యాడంటే కనీసం నాలుగేళ్లు మరో సినిమా చేసే చాన్సుండదు. సినిమా మొదలు పెట్టాక పూర్తవ్వాలంటే కనీసం మూడేళ్లు పడుతుంది. ఇక ఈ సినిమాలో అదే విషయాన్ని నాగ్ అశ్విన్ రాజమౌళితో చాలా ఫన్నీగా చెప్పించాడు. సెకండాఫ్ లో వచ్చే ఓ సీన్ లో రాజమౌళి ప్రభాస్ వెంట పడతాడు. ఇక్కడ వాళ్లిద్దరి మధ్య జరిగే సంభాషణను చాలా సరదాగా తెరకెక్కించాడు. తన దగ్గర ఐదేళ్లు పని చేస్తానని తప్పించకుంటావా అని రాజమౌళి అనగా.. అబ్బో దొరికితే మరో ఐదేళ్లు విడిచిపెట్టడు అంటూ ప్రభాస్ చెప్పడం సోషల్ మీడియా సెటైర్లకు సరిగ్గా సరిపోయింది. అక్కడి నుంచి ప్రభాస్ తప్పించుకోగా, ఈసారి దొరికే పదేళ్లు విడిచిపెట్టను అని రాజమౌళి చెప్పడంతో థియేటర్లు విజిల్స్ పడుతున్నాయి.
ఇక ఈ సినిమాలో ఇలా వచ్చి అలా మెరిసిపోయే క్యారెక్టర్ లో క్రియేటివ్ డైరెక్టర్ రాంగోపాల్ వర్మ. అసలు రాంగోపాల్ వర్మని ఒప్పించడం నిజంగా సాహసమే. అసలు రాంగోపాల్ వర్మ ఒప్పుకోవడం కూడా నిజంగా షాకే. ఈ సినిమాలో ఓ చిన్న రోల్ చేశాడు. ప్రభాస్ ను ఆటపట్టించే రోల్ లో చాలా చక్కగా సెట్ అయ్యాడు. నీలాంటి కన్నింగ్ ఫెలోను నమ్మను అంటూ ఆర్జీవీ చెప్పిన సెటైర్ బాగుంది. ఆఖరుకు ఓ బాక్స్ లో గుడ్డు దాచి, ఇది చాలా విలువైనదంటూ టోపీ పెట్టేస్తాడు ఆర్జీవి. ఈ సీన్ కూడా బాగా ఆకట్టుకుంది.
ఇక దిశా పటానీతో వచ్చే పాటలో మరో టాలీవుడ్ క్రేజీ డైరెక్టర్ జాతిరత్నాలు ఫేమ్ అనుదీప్ రెండు సార్లు మెరిశాడు. అలా అనుదీప్ కనిపించగా థియేటర్లలో విజిల్స్ పడుతున్నాయి. ఏ హావభావం లేకుండా కేవలం ఒక్క ప్రేమ్ లో కనిపించి ఆకట్టుకున్నాడు అనుదీప్.
