Kalki Avatar : గుజరాత్ రాష్ట్రంలో ఒక ప్రభుత్వ అధికారి తాను విష్ణుమూర్తి 10వ అవతారమైన ‘కల్కి’ అని ప్రకటించుకోవడం పెద్ద సంచలనం సృష్టించింది. ఈ అధికారి తాను కల్కిగా అవతరించానని, ప్రపంచాన్ని కాపాడడానికి కార్యాలయానికి రాకుండా ఇంట్లోనే ఉంటూ పనిచేస్తున్నానని చెప్పుకున్నాడు.అధికారిక విధులకు హాజరు కాకపోవడంపై ప్రశ్నించగా, ప్రపంచ రక్షణ తన ప్రధాన కర్తవ్యమని, దాని కోసం ఇంట్లో నుంచే కృషి చేస్తున్నానని తెలిపాడు. ఈ అధికారి ప్రకటన అధికారులను, స్థానికులను విస్మయానికి గురి చేసింది. ఈ సంఘటనపై ఉన్నతాధికారులు ఎలా స్పందిస్తారో వేచి చూడాలి.
