KK survey : ఢిల్లీ అసెంబ్లీ ఎన్నికల్లో బీజేపీ కూటమి విజయం సాధించబోతోందని మెజార్టీ సర్వే సంస్థలు ఎగ్జిట్ పోల్స్ ద్వారా వెల్లడించాయి. అయితే గత ఏపీ ఎన్నికల్లో వైసీపీ పరాభవాన్ని పక్కాగా అంచనా వేసిన ‘కేకే సర్వే’ తెలుగు రాష్ట్రాల్లో సంచలనం రేపింది. ఇప్పుడు తాజాగా ఢిల్లీ ఎన్నికల మెజార్టీ ఎగ్జిట్ పోల్స్ కు విరుద్ధమైన అంచనాలను కేకే సర్వే ప్రకటించింది. కేజ్రీవాల్ పార్టీ ఆప్ ఢిల్లీలో హ్యాట్రిక్ కొట్టబోతోందని కేకే సర్వే అంచనా వేసింది. బీజేపీకి నిరాశ తప్పదని ప్రకటించింది.
అయితే ఇప్పటివరకు పక్కాగా అంచనావేసి ఆ అంచనాలు ప్రతీ ఎన్నికల్లో అందుకున్న కేకే సర్వే ఢిల్లీ ఎన్నికల్లో మాత్రం బోల్తా కొట్టింది.. ఇక్కడ ఎగ్జిట్ పోల్స్ అంచనాలకు అనుగుణంగానే బీజేపీ గెలుపు లాంఛనంగా మారింది.
ఇక విశ్వసనీయతకు మారు పేరు అయిన కేకే సర్వే ఢిల్లీ ఎగ్జిట్ పోల్స్ తో పరువు పోగొట్టుకున్నట్టు అయ్యింది. బీజేపీ ఢిల్లీ గడ్డపై మూడు దఫాల తర్వాత గెలిచి ఆ పార్టీకి స్వర్ణ యుగాన్ని తెచ్చిపెట్టినట్టైంది.
