Kodali Nani apologizes : నారా లోకేష్ బర్త్ డే సందర్భంగా సినీ, రాజకీయ పారిశ్రామిక వ్యక్తుల నుంచి ఎంతో మంది తమ బర్త్ డే విషెన్ చెప్పారు. అయితే లోకేష్ ను గత వైసీపీ ప్రభుత్వంలో చెడుగుడు ఆడిన కొడాలి నాని చెబితే ఎలా ఉంటుంది.? అస్సలు ఊహించని పరిణామం కదా ఇదీ.. ఇదే సోషల్ మీడియాలో జరిగింది..
అవును.. కూటమి ప్రభుత్వం వచ్చాక పూర్తిగా సైలెన్స్ అయిపోయి నియోజకవర్గంలోనే లేకుండా అజ్ఞాతంలో బతుకుతున్నాడు గన్నవరం మాజీ ఎమ్మెల్యే కొడాలి నాని. అలాంటి నాని లోకేష్ కు బర్త్ డే విషెస్ చెబుతూ ‘స్వాతంత్ర్య దినోత్సవం నాడు క్షమాభిక్షతో ఖైదీలను విడుదల చేసినట్లు నీ పుట్టినరోజున నన్ను క్షమించమని మిక్కిలి హృదయంతో వేడుకుంటున్నాను’ అని ట్వీట్ చేసినట్టు సృష్టించారు.
అయితే కొడాలి నాని ట్విట్టర్ చూస్తే ఈ ట్వీట్ లేదు. దీంతో ఇది ఫేక్ ట్వీట్ అని అర్థమవుతోంది. కానీ టీడీపీ శ్రేణులు ట్రోల్ చేస్తూ వైరల్ చేస్తున్నాయి.
