Pawan Kalyan’s son Health Update : పవర్ స్టార్ పవన్ కళ్యాణ్ కుమారుడు మార్క్ శంకర్ సింగపూర్లోని ఆసుపత్రిలో కోలుకుంటున్నారు. ఊపిరితిత్తుల్లో పొగ చేరడంతో అత్యవసర చికిత్స పొందుతున్న మార్క్ శంకర్ ఆరోగ్య పరిస్థితి ప్రస్తుతం నిలకడగా ఉంది.
పవన్ కళ్యాణ్ మంగళవారం రాత్రి సింగపూర్కు చేరుకున్నారు. నేరుగా ఆసుపత్రికి వెళ్లి కుమారుడిని చూశారు. అనంతరం డాక్టర్లతో మాట్లాడి మార్క్ శంకర్ ఆరోగ్య పరిస్థితిపై ఆరా తీశారు. వైద్యులు అందించిన వివరాల ప్రకారం మార్క్ శంకర్ ఆరోగ్యం మెరుగుపడుతోంది.
తాజా సమాచారం ప్రకారం, మార్క్ శంకర్ను బుధవారం జనరల్ వార్డుకు షిఫ్ట్ చేయనున్నారు. ఇది ఆయన ఆరోగ్యం కుదుటపడుతోందనడానికి సంకేతం. పవన్ కళ్యాణ్ అభిమానులు మరియు శ్రేయోభిలాషులు మార్క్ శంకర్ త్వరగా కోలుకోవాలని ప్రార్థిస్తున్నారు.
