Kim actions : ఉత్తర కొరియా అధ్యక్షుడు కిమ్ జోంగ్ ఉన్ దారుణాల గురించి చెప్తే పెద్ద చరిత్రే అవుతుంది. చిన్న చిన్న నేరాలకే ప్రాణాలను సైతం తీసే శిక్షలు విధిస్తాడు ఆయన. అక్కడి ప్రజలకు బతుకు నిత్య నరకమనే చెప్పాలి. ఆయన పాలనలోని ఆకృత్యాలు మరోసారి వెలుగు చూశాయి. క్రైస్తవులపై కిమ్ ప్రభుత్వం ఉక్కుపాదం మోపుతోంది. దీనిపై ఇటీవల అమెరికా కూడా విచారం వ్యక్తం చేసింది. ఇక ఉత్తర కొరియాలో క్రైస్తవుల పవిత్ర గ్రంథం బైబిల్ తో ఎవరైనా కనిపిస్తే కఠిన శిక్షలు ఉంటాయి. ఇటీవల రెండేళ్ల చిన్నారి చేతిలో బైబిల్ చూసిన కిమ్ ఆమెకు జీవిత ఖైదు శిక్షవిధించినట్లు అమెరికా నివేధిక వెల్లడించింది.
‘అంతర్జాతీయ మత స్వేచ్ఛ 2022’ పేరుతో అమెరికా విదేశాంగ శాఖ ఇటీవల ఒక నివేదిక విడుదల చేసింది. ఇందులో ఉత్తర కొరియా అవలంభించే విధానాలపై దారణంగా విరుచుకుపడింది. ఇతర మతాల పట్ల కిమ్ ప్రభుత్వం అమానవీయంగా వ్యవహరిస్తోందని పేర్కొంది. ఇప్పటి వరకూ అక్కడ దాదాపు 70 వేల మంది క్రైస్తవులను ఖైదు చేసినట్లు నివేదికలు చెప్తున్నాయన్నాని విదేశాంగ శాఖ పేర్కొంది. ఇందులో రెండేళ్ల చిన్నారి కూడా ఉండడం తీవ్రంగా కలిచివేసిందన్నారు.
ఇలా మతపరమైన శిక్షల కింద జైలు శిక్షలు విధించిన వారిని పొలిటికల్ జైలు శిబిరాలకు తరలించి హింసిస్తుందని శాఖ నివేదికలో వెల్లడించింది. ఈ శిబిరాల్లోని ఖైదీలపై ప్రభుత్వం అమానవీయంగా వ్యవహరిస్తుందని, శారీరకంగా, మానసికంగా హింసించడం, ఎటువంటి విచారణ లేకుండా శిక్షలను అమలు చేయడం ఈ శిబిరాల్లో నిత్యం కొనసాగుతున్నాయని నివేదిక వెల్లడించింది.