Bhuma Maunika : మంచు వారి చిన్న పుత్రుడు మనోజ్ కొన్ని నెలల క్రితం భూమా మౌనికను పెళ్లి చేసుకున్నాడు. ఇద్దరికి ఇది రెండో వివాహమే. అయితే, పెళ్లికి ముందు వరకు ఇరువైపులా వీరి వివాహానికి అంగీకరించలేదు. భూమా మౌనికకు వివాహం జరిగి ఒక బిడ్డ కూడా ఉన్నాడు. ఇక మనోజ్ కు వివాహం జరిగినా పిల్లలు లేరు. కుటుంబంలో వచ్చిన గొడవలతో ఆయన భార్య ఆయనను విడిచి వెళ్లిపోయింది.
చిన్ననాటి నుంచి ఇరు కుటుంబాలకు మంచి సాన్నిహిత్యం ఉండడంతో వీరు ప్రేమలో పడ్డారు. మౌనిక మొదటి భర్తను విడిచిపెట్టడం ఆమె కుటుంబంలో వారికి నచ్చలేదు. గతేడాది ఆమె తల్లి సమాధి వరకు మనోజ్ తో వచ్చిన మౌనికను ఆమె అక్క పలకరించలేదు. ఇటు మనోజ్ కుటుంబంలోని మంచు లక్ష్మి, విష్ణు తీవ్రంగా వ్యతిరేకించారు. ఈ అడ్డంకులన్నీ దాటి ఈ జంట ఎలాగో ఒకలా ఒక్కటైంది.
ఇటీవల ఈ జంట బెంగళూర్ లోని సుమలత కుమారుడి వివాహానికి హాజరై సందడి చేశారు. ఇప్పటి వరకు మనోజ్-మౌనిక సంతోషంగా గడుపుతున్నారు. ఐతే యోగాడే (జూన్ 21) సందర్భంగా మనోజ్ ఒక వీడియోను తన ఇన్ స్టాలో పోస్ చేశాడు. ప్రస్తుతం ఆ వీడియో వైరల్ గా మారింది.
ఆయన భార్య మౌనిక యోగాడే సందర్భంగా ఒక ఫీట్ సాధించింది. ఏకంగా 108 సార్లు సూర్య నమస్కారాలు వేసింది. దీనికి సంబంధించి ఒక వీడియోను తీసిన మనోజ్ తన ఇన్ స్టా ఖాతాలో పోస్ట్ చేశాడు. ‘మై వైఫ్ భూమా మౌనిక’ అంటూ ఆసనం వేస్తున్న ఫొటోను తన ఫ్యాన్స్ తో పంచుకున్నారు. ప్రస్తుతం ఈ వీడియో సోషల్ మీడియాలో తెగ వైరల్ అయ్యింది. అంతుకు మందు భూమా మౌనిక తన ఫ్రెండ్స్, ఫాలోవర్స్ కు యోగా డే విషెస్ తెలిపారు. ‘ఈ రోజు 108 సార్లు సూర్య నమస్కారాలు పూర్తి చేసి యోగాపై నాకున్న ప్రేమను తెలుపుతున్నా. యోగాను నాకు పరిచయం చేసిన మా అమ్మ శోభా నాగిరెడ్డికి ప్రత్యేక ధన్యవాదాలు’ అంటూ పోస్ట్ పెట్టింది.
