Nenu Student sir – Jai Yelimanchali : బెల్లంకొండ గణేశ్ హీరోగా రాకేశ్ ఉప్పలపాటి దర్శకత్వంలో తెరకెక్కిన ‘నేను స్టూడెంట్ సర్!’ చిత్రం విజవంతంగా ప్రదర్శితమవుతోంది. ఈ మూవీ ఆడియన్స్ మదిలో ఎప్పటికీ నిలిచి ఉంటుందని ప్రముఖులు ప్రస్తావించారు. శుక్రవారం (జూన్ 2) రోజున సినిమా రిలీజ్ అయ్యింది. మొదటి షో మొదటి రోజు చిత్రం యూనిట్ తో కలిసి ‘యూ బ్లడ్’ అధినేత డాక్టర్ జై యలమంచిలి ఈ సినిమా చూశారు. అనంతరం ఆయన సినిమా గురించి పలు విషయాలు చెప్పారు.
యూబ్లడ్ అధినేత డాక్టర్ జై యలమంచిలి మాట్లాడుతూ ‘ఈ సినిమా బెల్లంకొండ గణేశ్ కెరీర్ లో ద బెస్ట్ మూవీగా నిలిచిపోతుంది. ఈ కథతో ఇప్పటి వరకు ఎలాంటి సినిమా రాలేదు. సమాజంలో పేరుకుపోతున్న కొన్ని విషయాలను ఇందులో బాగా ఎలివేట్ చేశారు దర్శకుడు. ప్రస్తుత జనరేషన్ కు మంచి మెసేజ్ ఈ సినిమా అంటే అతిశయోక్తి కాదు. ఈ సినిమా చూశాను కాబట్టి చెప్తున్నాను మంచి మెసేజ్ ఓరియంటెడ్ మూవీ అనడంలో ఎలాంటి సందేహం లేదు. దర్శకుడు ఉప్పలపాటి రాఖీ ప్రతీ సన్నివేశాన్ని ఆకట్టుకునే విధంగా చిత్రీకరించారు.’అన్నారు డా. జై యలిమంచిలి.
హైదరాబాద్ లోని సుదర్శన్ థియేటర్ లో ఫస్ట్ డే మార్నింగ్ షోను ‘నేను స్టూడెంట్ సార్’ మూవీ యూనిట్ తో కలిసి డాక్టర్ జై యలమంచిలి చూశారు. ఇందులో బెల్లంకొండ ఫ్యామిలీ కూడా పాల్గొంది. హీరో బెల్లంకొండ గణేశ్, డైరెక్టర్ రాఖీ ఉప్పలపాటి, హీరోయిన్ ప్రియతో పాటు బెల్లంకొండ ఫ్యామిలీతో కలిసి ఆయన థియేటర్ లో కాసేపు సందడి చేశారు.
మూవీ గురించి మాట్లాడిన డా. జై యలిమంచిలి.. తను సమాజ హితం కోసం స్థాపించిన ‘యూ బ్లడ్’ ఆర్గనైజేషన్ గురించి కూడా వివరించారు. జై యలిమంచిలి గారు చేస్తున్న సామజ సేవను బెల్లంకొండ ఫ్యామిలీతో పాటు మూవీ యూనిట్ కూడా అభినందించింది. తమకు చేతనైన కాడికి సహాయం చేస్తామని హామీ ఇచ్చారు. జై యలమంచిలిని వారంతా అభినందించారు.
